1446 ވަނަ އަހަރުގެ ޤައުމީ ދުވަސް ފާހަގަކޮށްފިއެވެ. މިދުވަސް ފާހަގަކުރުމުގެ ގޮތުން ފ. އަތޮޅު ކައުންސިލް އިދާރާގައި ބޭއްވި ދިދަ ނެގުމުގެ ރަސްމިއްޔާތުގައި ނިލަންދޫގައި ހުރި ސަރުކާރުގެ އިދާރާތަކާއި ސަރުކާރު ޙިއްސާވާ ކުންފުނިތަކުގެ މުވައްޒަފުންވަނީ ބައިވެރިވެފައެވެ. މިރަސްމިއްޔާތުގައި ދިދަ ނަންގަވައި ދެއްވައި ދުވަހާ ގުޅޭގޮތުން ވާހަކަ ދެއްކެވީ ފ. އަތޮޅު ކައުންސިލްގެ ރައީސާ އަލްފާޟިލާ ޙައްވާ ޢަބްދުލްޢަޒީޒެވެ. މިއިދާރާގެ މުވައްޒަފުން މިރަސްމިއްޔާތުގައި ބައިވެރިވެފައިވަނީ ދިވެހި ޤައުމިއްޔަތު ރަމްޒްކޮށްދޭ ފަދަ ޤައުމީ ހެދުންތަކުގައެވެ.