15 އޮގަސްޓް 2026 ވީ ހޮނިހިރު ދުވަހު މިރަށަށް ކުރި މި ތަޖުރިބާ ހޯދުމުގެ ދަތުރުގައި މުލީ ކައުންސިލްގެ ރައީސާއި، ކައުންސިލް މެންބަރުންގެ އިތުރުން އަންހެނުންގެ ތަރައްޤީއަށް މަސައްކަތްކުރާ ކޮމިޓީ ގެ މެންބަރުންނާއި ކައުންސިލް އިދާރާގެ މުވައްޒަފުން ހިމެނޭހެން ޖުމްލަ 21 ބޭފުޅުންގެ ޓީމަކުން ބައިވެރިވިއެވެ.
މުލީ ކައުންސިލްގެ ޓީމަށް ނިލަންދޫ ކައުންސިލްގެ ފަރާތުން ވަނީ ވަރަށް ހޫނު މަރުޙަބާއެއް ކިޔާފައެވެ. އަދި ދެ ކައުންސިލްގެ ދެމެދުގައި ބޭއްވުނު ޚާއްޞަ ބައްދަލުވުން ކުރިއަށް ގޮސްފައިވަނީ ނިލަންދޫ ގޮމަވާތީ ހޯލް ގައެވެ.
މި ބައްދަލުވުމުގައި ދެ ކައުންސިލްގެ އިދާރީ ހިންގުން ހަރުދަނާކުރުމާ ބެހޭގޮތުންނާއި، ރަށު ތަރައްޤީގެ މަޝްރޫޢުތައް ކުރިއަށްގެންދާނެ ގޮތްތަކާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މަސައްކަތްތައް އިތުރަށް ފުޅާކުރުމާ ގުޅޭގޮތުން ވަނީ މަޝްވަރާކޮށް، މަޢުލޫމާތާއި ތަޖުރިބާ ހިއްސާކޮށްފައެވެ.
މިފަދަ ދަތުރުތަކުގެ ސަބަބުން އިދާރީ ގޮތުންނާއި އިޖުތިމާޢީ ގޮތުން ދެ ރަށުގެ ދެމެދުގައި އޮންނަ ގުޅުން އިތުރަށް ބަދަހިވެ، ކައުންސިލްތަކުގެ ގެ ހިންގުން އިތުރަށް ހަރުދަނާކުރުމަށް ފަހި ފުރުސަތުތަކެއް ހުޅުވިގެން ދެއެވެ.