ފ. ނިލަންދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީ އިސްނަގައިގެން ފ. ނިލަންދޫ ކައުންސިލާއި ގުޅިގެން ދުނިޔޭގެ ލިޔަންކިޔަން ދަތުމުގެ ދުވަސް ފާހަގަކުރުމުގެ ގޮތުންނާއި ތާނަ އަތުލިޔުން ރީތިކޮށް ލިޔުމަށް ބާރު އެޅުމުގެ ގޮތުން ފ. ނިލަންދޫ ކައުންސިލް މުވައްޒަފުންނަށް އަމާޒުކޮށްގެން އަތުލިޔުމުގެ މުބާރާތެއް ބާއްވާފިއެވެ. މި މުބާރާތަކީ ދިވެހިބަހަށާއި ތާނަ އަކުރަށް ކައުންސިލް އިދާރާގެ މުވައްޒަފުންގެ ހިތުގައި އޮންނަ ލޯތްބާއި ޝައުޤުވެރިކަން އިތުރުކުރުމާށާއި، ތާނަ ރީތިކޮށް ލިޔާ ފަރާތްތަކުގެ އަގުވަޒަންކުރުމުގެ މަޤުޞަދުގައި ބޭއްވި މުބާރާތެކެވެ. މިމުބާރާތް ކުރިޔަށް ގެންގޮސްފައިވަނީ ދީފައިވާ ލިޔުމެއް ނަކަލު ކުރުމާއި، ޢަރަބި/ތާނަ ލަފުޒުތަކެއް ކިޔުމުން އެލަފުޒުތައް ނޯޓުކުރުމާއި އަދި ދިވެހިބަހުން ވާހަކަދައްކާ އޯޑިއޯ ވާހަކަކޮޅެއް އިއްވުމުން އިވެމުންދާވަރަކަށް ލިޔުން މިތިން ބައިގެ ހިމަނައިގެންނެވެ. ތަފާތު 3 ބައެއް ހިމަނައިގެން ކުރިޔަށް ގެންދިޔަ މިމުބާރާތުގައި ކައުންސިލް މެމްބަރުން ހިމެނޭގޮތަށް ޖުމުލަ 10 މީހުން ވަނީ ބައިވެރިވެފައެވެ.