ފ. ނިލަންދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީ އިސްނަގައިގެން ފ. ނިލަންދޫ ކައުންސިލާއި ގުޅިގެން ދުނިޔޭގެ ލިޔަންކިޔަން ދަތުމުގެ ދުވަސް ފާހަގަކުރުމުގެ ގޮތުންނާއި ތާނަ އަތުލިޔުން ރީތިކޮށް ލިޔުމަށް ބާރު އެޅުމުގެ ގޮތުން ފ. ނިލަންދޫ ކައުންސިލް މުވައްޒަފުންނަށް އަމާޒުކޮށްގެން އަތުލިޔުމުގެ މުބާރާތެއް ބާއްވާފިއެވެ. މި މުބާރާތަކީ ދިވެހިބަހަށާއި ތާނަ އަކުރަށް ކައުންސިލް އިދާރާގެ މުވައްޒަފުންގެ ހިތުގައި އޮންނަ ލޯތްބާއި ޝައުޤުވެރިކަން އިތުރުކުރުމާށާއި، ތާނަ ރީތިކޮށް ލިޔާ ފަރާތްތަކުގެ އަގުވަޒަންކުރުމުގެ މަޤުޞަދުގައި ބޭއްވި މުބާރާތެކެވެ. މިމުބާރާތް ކުރިޔަށް ގެންގޮސްފައިވަނީ ދީފައިވާ ލިޔުމެއް ނަކަލު ކުރުމާއި، ޢަރަބި/ތާނަ ލަފުޒުތަކެއް ކިޔުމުން އެލަފުޒުތައް ނޯޓުކުރުމާއި އަދި ދިވެހިބަހުން ވާހަކަދައްކާ އޯޑިއޯ ވާހަކަކޮޅެއް އިއްވުމުން އިވެމުންދާވަރަކަށް ލިޔުން މިތިން ބައިގެ ހިމަނައިގެންނެވެ. ތަފާތު 3 ބައެއް ހިމަނައިގެން ކުރިޔަށް ގެންދިޔަ މިމުބާރާތުގައި ކައުންސިލް މެމްބަރުން ހިމެނޭގޮތަށް ޖުމުލަ 10 މީހުން ވަނީ ބައިވެރިވެފައެވެ.
Category: Uncategorized
ފ. ނިލަންދޫގައި ލޮނު ފެކްޓްރީއެއް އެޅުމަށް އެއްބަސްވުމުގައި ސޮއިކޮށްފި
ފ. ނިލަންދޫގައި ލޮނު ފެކްޓްރީއެއް އެޅުމަށް ފ. ނިލަންދޫ އުރަހަ ޢަބްދުﷲ ޢަބްދުއްރަޙީމް އާއި ކައުންސިލާއި ދެމެދު ވެވޭ އެއްބަސްވުމުގައި މިއަދު ސޮއިކޮށްފިއެވެ. އެގޮތުން މިއެއްބަސްވުމުގައި ކައުންސިލްގެ ފަރާތުން ސޮއިކުރީ ކައުންސިލްގެ ރައީސް ޢަލީ އަޙްމަދުއެވެ. ޓީވީ މޯލްޑިވްސް އަށް ދޫކޮށްފައިވާ ބިމުގެ އުތުރުން އޮތް ހުސްބިމުގެ ތެރެއިން ”ސިއްތިފަންނު“ ސަރަޙައްދުން 10,000 (ދިހަހާސް) އަކަފޫޓޫގެ ބިމެއް 15 އަހަރު ދުވަހުގެ މުއްދަތަށް ކުލީގެ ގޮތުގައި ބިމުގެ އަކަފޫޓަކަށް 0.75 ލާރީގެ ރޭޓުން 10,000 (ދިހަހާސް) އަކަފޫޓަށް މަހަކު -/7,500 (ހަތްހާސް ފައްސަތޭކަ) ދައްކާގޮތަށް ވަނީ ދޫކޮށްފައެވެ. ފ. ނިލަންދޫގައި ލޮނު ފެކްޓްރީއެއް އެޅުމުގެ މަސައްކަތް ފެށިގެންދާއިރު މަސް ފެކްޓްރީއެއް އެޅުމަށް އެޓޯލްޕާލް އަށް ރަށުގެ އިރުމަތީ ފަރާތު ހިއްކި ބިމުން ބިމެއް ކުއްޔަށް ދޫކުރެވި މަސްފެކްޓްރީ އަޅައި މަސްބަންދުކޮށް ބޭރުމުގެ މަސައްކަތް ކުރިޔަށްދާކަން ފާހަގަކޮށްލަމެވެ.
ކުންޏާއި ވަޞީލަތްތައް މެނޭޖްކުރުމާއި ގުޅޭ ތަމްރީނު ޕްރޮގްރާމެއްގައި މިކައުންސިލުން ބައިވެރިވެއްޖެ.
“ މޯލްޑިވްސް ކްލީން އެންވަރމެންޓް “ މި ޕްރޮޖެކްޓުގެ ދަށުން މިނިސްޓްރީ އޮފް އެންވަރމެންޓް އެންޑް ކަލައިމެޓް ޗޭންޖްގެ ފަރާތުން ޒޯން 4،5 ގެ ކުންޏާއި ވަޞީލަތްތައް މެނޭޖްކުރުމުގެ މަސައްކަތްތަކަށް، އެކަމާއި ގުޅޭ މުވައްޒަފުން ތަމްރީން ކުރުމުގެ ޕްރޮގްރާމެއް 2024 އޯގަސްޓު 27 ފެށިގެން 30 ގެ ނިޔަލަށް އިންޑިޔާގެ ނިއު ޑެއްލީގައިވަނީ ކުރިޔަށްގެންދެވިފައެވެ.
މި ބައްދަލުވުމުގައި ބައިވެރިވެފައިވަނީ ނިލަންދޫ ކައުންސިލްގެ 02 ޑްރައިވަރުން ކަމުގައިވާ އަޙްމަދު މައުސޫމް އަދި އަލީ ޞަބާޙުއެވެ. މި ޕްރޮގްރާމުގެ ދަށުން ކުނިނައްތާލުމާއި، ކުނިވަކިކުރުމާއި އެހެން ރައްޔިތުން ހޭލުންތެރިކުރުން ފަދަ މުހިންމު ތަމްރީންތަކެއްވަނީ ދަސްވެފައެވެ. ހަމައެއާއެކު މަސައްކަތްތެރި، ޤާބިލް، ހުނަރުވެރި މުވައްޒަފުންތަކެއް އުފެއްދުމައްޓަކައި މިފަދަ ފުރުޞަތުތައް އެފަދަ މުވައްޒަފުންނަށް ހޯދައިދިނުމަކީ މިކައުންސިލުން ވަރަށް ޚާއްސަ އިސްކަމެއް ދީގެން ކުރިޔަށްގެންދާ ކަމެއްކަން ފާހަގަކޮއްލަމެވެ.
1446ވަނަ އަހަރުގެ ޤައުމީ ދުވަސް ފާހަގަކޮށްފި.
1446 ވަނަ އަހަރުގެ ޤައުމީ ދުވަސް ފާހަގަކޮށްފިއެވެ. މިދުވަސް ފާހަގަކުރުމުގެ ގޮތުން ފ. އަތޮޅު ކައުންސިލް އިދާރާގައި ބޭއްވި ދިދަ ނެގުމުގެ ރަސްމިއްޔާތުގައި ނިލަންދޫގައި ހުރި ސަރުކާރުގެ އިދާރާތަކާއި ސަރުކާރު ޙިއްސާވާ ކުންފުނިތަކުގެ މުވައްޒަފުންވަނީ ބައިވެރިވެފައެވެ. މިރަސްމިއްޔާތުގައި ދިދަ ނަންގަވައި ދެއްވައި ދުވަހާ ގުޅޭގޮތުން ވާހަކަ ދެއްކެވީ ފ. އަތޮޅު ކައުންސިލްގެ ރައީސާ އަލްފާޟިލާ ޙައްވާ ޢަބްދުލްޢަޒީޒެވެ. މިއިދާރާގެ މުވައްޒަފުން މިރަސްމިއްޔާތުގައި ބައިވެރިވެފައިވަނީ ދިވެހި ޤައުމިއްޔަތު ރަމްޒްކޮށްދޭ ފަދަ ޤައުމީ ހެދުންތަކުގައެވެ.
އަރިއަތޮޅު އުތުރުބުރީ ތޮއްޑޫ ކައުންސިލްގެ މުވައްޒަފުންގެ ތަޖްރިބާ ދަތުރުގައި ނިލަންދޫއަށް ވަޑައިގެންފި.
އަރިއަތޮޅު އުތުރުބުރީ ތޮއްޑޫ ކައުންސިލްގެ މުވައްޒަފުންގެ ތަޖްރިބާ ދަތުރުގައި 2024 ސެޕްޓެންބަރު 04 ގައި ނިލަންދޫއަށް ވަޑައިގެންފިއެވެ. އެބޭފުޅުންގެ މިދަތުރުގައި ނިލަންދޫ ކައުންސިލުން ދެމުންގެންދާ އާއްމު ޚިދުމަތްތަކާބެހޭ މަޢުލޫމާތު ހޯދުމާއި، ނިލަންދޫގައި ހިނގަމުންގެންދާ ތަރައްޤީގެ މަޝްރޫޢުތަކުގެ މަޢުލޫމާތު ހޯދުމުގެ އިތުރުން ނިލަންދޫގެ މުހިންމު ތަންތަން ވަނީ ޒިޔާރަތްކޮށްފައެވެ. އަދި މީގެ އިތުރުން 02 ކައުންސިލްގެ މަޢުލޫމާތު ބަދަލުކުރުމުގެ ބައްދަލުވުމެއް ބާއްވާފައިވެއެވެ. 14 ބޭފުޅުންގެ މައްޗަށް އެކުލެވޭ ގޮތަށް ނިލަންދޫގައަށް ކުރި މި ދަތުރުގެ އިސްބޭފުޅެއްގެ ގޮތުން ވަޑައިގެންނެވީ އެކައުންސިލްގެ ނައިބުރައީސް ޢަލީ އާދަމެވެ. ތޮއްޑޫ ކައުންސިލުން ނިލަންދޫއަށް ކުރި މިދަތުރުގައި ނިލަންދޫ ކައުންސިލްގެ ފަރާތުންވަނީ ހޫނު މަރުޙަބާއެއް ދަންނަވައި ރަގަޅު މެހުމާންދާރީއެއް ވެދެއްވާފައެވެ. އެގޮތުން ހަވީރު ސައިފޮދު ނިލަންދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީން ދެއްވިއިރު ރޭގަނޑުގެ ފަރިއްކޮޅު ދެއްވާފައިވަނީ ނިލަންދޫ ކައުންސިލްގެ ފަރާތުންނެވެ. މިދަތުރު ނިންމަވައި ތޮއްޑޫ ކައުންސިލްގެ ޓީމުން ނިލަންދޫން ފުރާފައިވަނީ 2024 ސެޕްޓެންބަރު 05 ވަނަ ދުވަހުގެ ހެނދުނުގެ ވަގުތެއްގައެވެ.
މޫދަށް އެރުމަށް ޚާއްޞަކޮށްފައިވާ ސަރަހައްދު ސާފުކުރުމުގެ މަސައްކަތް ކޮށްފި.
ފ. ނިލަންދޫގައި މޫދަށް އެރުމަށް ޚާއްޞަކޮށް ތައްޔާރުކޮށްފައިވާ ސަރަހައްދުގެ ގޮނޑުދޮށާއި މޫދެތެރެ ސާފުކުރުމުގެ މަސައްކަތް ކޮށްފިއެވެ. 2024 ސެޕްޓެންބަރު 03 ވަނަ ދުވަހުގައި ކުރިއަށް ގެންދިޔަ ސާފުކުރުމުގެ މިޙަރަކާތުގައި ފ. ނިލަންދޫ ކައުންސިލްގެ އިދާރާގެ މުވައްޒަފުންނާއި އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ މެމްބަރުންގެ އިތުރުން ފ. އަތޮޅު ހޮސްޕިޓަލާއި، ފ. ނިލަންދޫ ޕޮލިސް ސްޓޭޝަނާއި، ފ.ނިލަންދޫ ފެނަކަ ބްރާންޗްގެ ގިނަ ޢަދަދެއްގެ މުވައްޒަފުން ވަނީ ބައިވެރިވެފައެވެ. މިއަދުގެ މަސައްކަތް ފެށުމުގެ ކުރިން ފ. އަތޮޅު ހޮސްޕިޓަލްގެ ފަރާތުންވަނީ ހެނދުނުގެ ކަސްރަތު ޕްރޮގްރާމް މުވައްޒަފުންނަށް ޖައްސާދީފައެވެ. މިއަދު ކުރިއަށް ގެންދިޔަ މަސައްކަތުން މޫދަށް އެރޭ ސަރަހައްދުގެ ގޮނޑުދޮށް ހިމެނޭ ސަރަހައްދަށް ޖަމާވެފައިވާ ކުންޏާއި ގަލާއި އަކިރިތައް ނަގައި ސާފުކުރުމާއި މޫދުތެރެއިން ގާތައް ނެގުމުގެ މަސައްކަތްވަނީ ކޮށްފައެވެ. މިމަސައްކަތް ކުރަމުންދިޔައިރު މަސައްކަތަށް ހިތްވަރު ދިނުމުގެ ގޮތުން އެސަރަހައްދަށް އެކިއެކި ފަރުވާ ހޯދުމަށް ހެނދުނުގަޑީގައި މޫދަށް އެރޭ ފަރާތްތަކުންވަނީ މަސައްކަތުގައި ބައިވެރިވި ފަރާތްތަކަށް ހެނދުނުގެ ސައި ތައްޔާރުކޮށްދީފައެވެ. މޫދަށް އެރޭ ފަރާތްތަކުގެ އިސްނެންގެވުމަށް ސައިގެ ކަންތައް އިންތިޒާމްކޮށްދެއްވައި އަރަމުން އަންނަ ޅަޒުވާންޖީލަށް ދުވަސްވީ މީހުންގެ ފަރާތުން ދެއްކެވި ނަމޫނާއަށްޓަކައި ނިލަންދޫ ކައުންސިލާ އަދި ނިލަންދޫ ރައްޔިތުންގެ ނަމުގައި ކައުންސިލްގެ ރައީސް އެފަރާތްތަކަށް ޝުކުރު ދެންނެވިއެވެ.
2022-2023 ވަނަ އަހަރު އޯލެވެލްއާއި އޭލެވެލްއިން ދިވެހިރާއްޖޭގެ ޤައުމީ ގަދަ 10 ގައި ހިމެނުނު ފ. އަތޮޅު ތަޢުލީމީ މަރުކަޒުގެ 11 ދަރިވަރުންނަށްދޭ އިނާމްތައް އެމަރުކަޒާ ޙަވާލުކޮށްފި.
2022-2023ވަނަ އަހަރު އޯލެވެލްއާއި އޭލެވެލްއިން ދިވެހިރާއްޖޭގެ ޤައުމީ ގަދަ 10 ގައި ހިމެނުނު ފ. އަތޮޅު ތަޢުލީމީ މަރުކަޒުގެ 11 ދަރިވަރުންނަށްދޭ އިނާމްތައް 2024 އޮގަސްޓް 29 ވަނަ ދުވަހު އެމަރުކަޒާ ޙަވާލުކޮށްފިއެވެ. މިއިނާމުތައް ނިލަންދޫ ކައުންސިލްގެ ފަރާތުން އެމަރުކަޒާ ޙަވާލުކޮށްދެއްވީ ނިލަންދޫ ކައުންސިލްގެ އެސިސްޓެންޓް ކައުންސިލް އެގްޒެކެޓިވް ޢަލީ އަޙްމަދެވެ. ފ. އަތޮޅު ތަޢުލީމީ މަރުކަޒުގެ ފަރާތުން އިނާމްތަކާ ޙަވާލުވެލެއްވީ އެމަރުކަޒުގެ ޕްރިންސިޕަލް ޢަބްދުﷲ އަޙްމަދެވެ. އޯލެވެލްއާއި އޭލެވެލްއިން ދިވެހިރާއްޖޭގެ ޤައުމީ ގަދަ 10 ގައި ހިމެނުނު 11 ދަރިވަރުންގެ ތެރެއިން ކޮންމެ ދަރިވަރަކަށް -/1000 ރުފިޔާގެ އިނާމް ވައުޗަރއަކާއި ހަނދާނީ ފިލައެއްވަނީ ޙަވާލުކޮށްފައެވެ. މިއީ ނިލަންދޫ ކައުންސިލްގެ ފަރާތުން މިހިނގާ 2024 ވަނަ އަހަރުން ފެށިގެން ކޮންމެ އަހަރެއްގައިވެސް ދިނުމަށް ކައުންސިލުން ނިންމާފައިވާ އިނާމެކެވެ.
ފ. ވޮލީ މުބާރާތުގައި ނިލަންދޫ ތަމްސީލުކުރާ 02 ޓީމަށް ސުޕަރ ޖެނެރޭޝަން ކްލަބުގެ ފަރާތުން ޚާއްޞަ ފަރިއްކޮޅެއް ދީފި
ފ. އަތޮޅު ކައުންސިލް އިދާރާއިން ފ. އަތޮޅުގެ ރަށްތަކަށް ހުޅުވާލައިގެން ކުރިއަށް ގެންދާ ފ. ވޮލީ މުބާރާތުގައި ފ. ނިލަންދޫ ކައުންސިލް އިދާރާ ތަމްސީލުކުރާ 02 ޓީމަށް ހިތްވަރު ދިނުމުގެ ގޮތުން ސުޕަރ ޖެނެރޭޝަން ކުލަބްގެ ފަރާތުން ރޭގަނޑުގެ ޚާއްޞަ ފަރިއްކޮޅެއް ދީފިއެވެ. މި ފަރިއްކޮޅު އޮތީ 2024 އޮގަސްޓު 17 ވީ ހޮނިހިރު ދުވަހުގެ ރޭ އަލަނާސި ކެފޭ އެންޑް ބިސްޓްރޯގައެވެ.
މި ފަރިއްކޮޅުގައި ޓީމްގެ އިތުރުން ކައުންސިލް މެންބަރުން ބައިވެރިވެފައިވެއެވެ. މިޙަފްލާގައި ޓީމުގެ ކުޅުންތެރިންނާ މުޚާތަބުކޮށް ވާހަކަ ދައްކާފައިވަނީ މިދިޔަ އަހަރު ފ. އަތޮޅު ވޮލީ މުބާރާތުގެ 02 ޓީމްގެ މެނޭޖަރުކަން އަދާކޮއްފާވާ އަދި ސުޕަރ ޖެނެރޭޝަން ކުލަބްގެ ރައީސް ވަޖީހު މޫސާއެވެ. ވަޖީހުގެ ވާހަކައިގައި 02 ޓީމަކީވެސް މޮޅުޓީމްތަކެއްކަމާޢި، ކުޅުންތެރިންގެ ހުނަރާއިމެދު ޝައްކުނުކުރާކަމަށް ފާހަގަކުރި އެވެ. މީގެއިތުރުން 02 ޓީމުގެ ކުޅުންތެރިންގެ ހިތްވަރަށް ތަޢުރީފުކުރަމުން އަދި އިތުރަށް ރަށް ފަޚުރުވެރިވާފަދަ މޮޅުކުޅުމެއް ދެއްކުމަށް އެދި ހިތްވަރުދީފައިވައެވެ.
މި ހަފްލާގައި ނިލަންދޫ ކައުންސިލްގެ ރައީސް ވިދާޅުވެފައިވަނީ ސުޕަރ ޖެނެރޭޝަން ކުލަބްއަކީ އަބަދުވެސް ރިވެތި ނަމޫނާ ދައްކަވަމުން އަންނަ ކުލަބެއްކަމުގައާއި ކުރިޔަށްއޮތްތާގައިވެސް މި ނަމޫނާ ފެނިގެންދާނެކަމަށް އުއްމީދުކުރާކަމަށެވެ. އަދި ކުލަބުގެ މެންބަރުންނާއި އިސް ވެރިންނަށް ޝުކުރު އަދާކުރައްވާފައެވެ.
5 މިލިއަން ގަސްއިންދުމުގެ ޕްރޮގްރާމްގެ ދަށުން ނިލަންދޫ ކައުންސިލުން އިސްނަގައިގެން އާސާރީ ސަރަހައްދުގައި ގަސްއިންދުމުގެ ޕްރޮގްރާމެއް ކުރިޔަށް ގެންގޮސްފި
ރައީސް ޑރ. މުހައްމަދު މުއިއްޒު އިއުލާން ކުރައްވާފައިވާ ފަސް މިލިއަން ގަސް އިންދުމުގެ ޕްރޮގްރާމްގެ ދަށުން ފ. ނިލަންދޫ ކައުންސިލުން އިސްނަގައިގެން 2024 އޮގަސްޓު 17 ވީ ހޮނިހިރު ދުވަހު ވަނީ ގަސްއިންދުމުގެ ޕްރޮގްރާމެއް ކުރިޔަށް ގެންގޮސްފައެވެ. މި ހަރަކާތުގައި ކައުންސިލް މެންބަރުންނާއި، އިދާރީ އިސްވެރިން އަދި ގިނަ އަދަދެއްގެ މުވައްޒަފުންވަނީ ބައިވެރިވެފައެވެ. މިހަރަކާތުގެ ތެރެއިން އާސާރީ ސަރަހައްދުގެ އެކި ދިމަ ދިމާގައި ޖުމްލަ 71 ގަސް ވަނީ އިންދާފައެވެ.
ރާއްޖެ ފެހިކުރުމަށާއި ގަސްތަކުގެ މާހައުލީ ނިޒާމްތައް ރައްކާތެރިކޮށް ދެމެހެއްޓުމާއި މޫސުމީ ބަދަލުން ދިމާވާ ނުރައްކާތަކަށް ރާއްޖޭގެ ވިލުންތެރިކަން އިތުރުކުރުމަށްޓަކައި ފަސް އަހަރުގެ ތެރޭގައި، ފަސް މިލިއަން ގަސް ރާއްޖޭގެ އެކިކަންކޮޅުތަކުގައި އިންދުމުގެ މަޝްރޫއެއް ކުރިއަށް ގެންދިއުމަކީ އަދުގެ ރައީސްގެ ރިޔާސީ ވައުދެކެވެ.
ފ. ވޮލީ މުބާރާތުގައި ނިލަންދޫ ތަމްސީލުކުރާ 02 ޓީމަށް ފެނަކަ ފ. ނިލަންދޫ ބްރާންޗްގެ ފަރާތުން ޚާއްޞަ ފަރިއްކޮޅެއް ދީފި
ފ. އަތޮޅު ކައުންސިލް އިދާރާއިން ފ. އަތޮޅުގެ ރަށްތަކަށް ހުޅުވާލައިގެން ކުރިއަށް ގެންދާ ފ. ވޮލީ މުބާރާތުގައި ފ. ނިލަންދޫ ކައުންސިލް އިދާރާ ތަމްސީލުކުރާ 02 ޓީމަށް ހިތްވަރު ދިނުމުގެ ގޮތުން ފެނަކަ ފ. ނިލަންދޫ ބްރާންޗްގެ ފަރާތުން މެންދުރު ޚާއްޞަ ފަރިއްކޮޅެއް ދީފިއެވެ. މި ފަރިއްކޮޅު އޮތީ 2024 އޮގަސްޓު 19 ވީ ހޯމަ ދުވަހު މެންދުރު 11:50 ގައި ފެނަކައިގައެވެ.
މިޙަފްލާގައި ޓީމުގެ ކުޅުންތެރިންނާ މުޚާތަބުކޮށް ވާހަކަ ދައްކަވަމުން ފެނަކަ ފ ނިލަންދޫ ބްރާންޗުގެ އެސިސްޓެންޓް މެނޭޖަރ ރަނިއްޔާ ނަޞީރު ވިދާޅުވީ ނިލަންދޫ ކައުންސިލުން ކުރިޔަށްގެންދާ ކުޅިވަރުގެ ހަރަކާތްތަކުގައާއި އިޖްތިމާއީ ހަރަކާތްތަކުގައި މި ބްރާންޗުގެ ފަރާތުން ފުރިހަމަ އެއްބާރުލުން ލީބޭނެކަމަށާއި 02 ޓީމް ގެ ކުޅުންތެރިން ދައްކަމުންދާ ހިތްވަރަށް ތައުރީފު ކުރައްވައި ކުރިޔަށް އޮތް މެޗްތަކުގައިވެސް އެކަން ފެނިގެންދާނެކަމަށް އުއްމީދުކުރާކަމަށެވެ. އަދިހަމައެހެންމެ މިޙަފްލާގައި ކައުންސިލްގެ ރައީސް ޢަލީ އަޙްމަދު ވާހަކަ ދައްކަވަމުން ވިދާޅުވެފައިވަނީ ޒުވާނުންނަށް އިސްނަގައިގެން ކުރިޔަށް ގެންދެވޭ މިފަދަ ހަރަކާތްތަކުގައި ފެނަކައިގެ ވެރިންނާއި މުވައްޒަފުންގެ ފަރާތުން ލިބެމުންދާ އެއްބާރުލުން ފާހަގަކޮށް ކުރިޔަށް އޮތްތާގައިވެސް މި ނަމޫނާ ފެނިގެންދާނެ ކަމަށް އުއްމީދުކުރާކަމަށެވެ.