Category: Uncategorized
ލާމަރުކަޒީ ނިޒާމު ހަރުދަނާކޮށް ރައްޔިތުން ބާރުވެރިކުރުމަށް ބޭއްވި “ ރަށްވެހިންގެ ސައްލާ “ ފޯރަމްގައި މިކައުންސިލުން ބައިވެރިވެއްޖެ.
ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާއި ބެހޭ ވުޒާރާއާއި، މޯލްޑިވްސް އިންސްޓިޓިއުޓް އޮފް ލޯކަލް ގަވާނަންސާއި، ޔޫކޭ އިންޓަރނޭޝަނަލް ޑިވެލޮޕްމެންޓާއި އަދި ޔޫއެންޑީޕީ ގުޅިގެން ރާއްޖޭގެ ލާމަރުކަޒީ ނިޒާމު ހަރުދަނާކޮށް، ރައްޔިތުންގެ ބާރުވެރިކަން އިތުރުކުރުމުގެ ސަގާފަތެއް އުފެއްދުމަށް ޓަކައި، ’ރަށްވެހީންގެ ސައްލާ‘ ފޯރަމް ފަށައިފިއެވެ.
3 ދުވަހުގެ މުއްދަތަށް އއ. އުކުޅަހުގައި ކުރިއަށް ގެންދާ މި މަޝްވަރާ ބައްދަލުވުމުގައި ކައުންސިލްތަކުގެ ބައެއް ރައީސުންނާއި، މެންބަރުންނާއި އަދި އެސްޖީންނާއެކު ޖުމްލަ 55 ބޭފުޅަކު ބައިވެރިވެލައްވައެވެ. މި ބައްދަލުވުމުގައި މިކައުންސިލްގެ ރައީސް އަލީ އަޙްމަދާއި އެސްޖީ އަލީ ޙައިތަމްގެ އިތުރުން ކައުންސިލް އެގްޒެކްޓިވް މުނީރާ އިބްރާހިމް ވެސް ވަނީ ބައިވެރި ވެފައެވެ.
ރަށްވެހީންގެ ސައްލާގެ ނަމުގައި ކުރިއަށް ގެންދާ މަޝަވަރާ ބައްދަލުވުމުގައި، ބައިވެރިންގެ މެދުގައި މަޝްވަރާތައް ކުރިއަށް ގެންދިޔުމަށް ހަމަޖެހިފައި ވަނީ، ޕަބްލިކް ޕާޓިސިޕޭޝަން، ރައްޔިތުންގެ ބައިވެރިވުން އިތުރުކުރެވިދާނެ ގޮތްތައް، ކައުންސިލްތަކުން ހިންގާ ޙަރަކާތްތަކުގައި މުޖުތަމަޢުގައި އެކަހެރިކުރެވިފައިވާ ފަރާތްތައް ބައިވެރިކުރުވުން، އިފެކްޓިވް ކޮމިޔުނިކޭޝަން، ރައިޓް ޓު އިންފޮމޭޝަން، އޯޕަން ގަވަރމަންޓް، ލާމަރުކަޒީ ނިޒާމުގައި މަދަނީ ޖަމްޢިއްޔާތަކުގެ ބައިވެރިވުން، އަދި ރައްޔިތުން ބައިވެރިކުރުމަށް ކައުންސިލްތަކަށް މަސައްކަތްކުރެވިދާނެ ގޮތްތަކާ މެދުއެވެ.
ރާއްޖޭގެ ލާމަރުކަޒީ ނިޒާމު އިތުރަށް ހަރުދަނާކުރުމަށް ކުރެވިދާނެ ކަންކަން ދެނެގަތުމުގެ ތަމްރީނު ޕްރޮގްރާމެއްގައި މިކައުންސިލުން ބައިވެރިވެއްޖެ.
ލޯކަލް ގަވަރމަންޓް އޮތޯރިޓީއާއި ޔޫ. އެން. ޑީ. ޕީ މޯލްޑްވިސް އާއި މިނިސްޓްރީ އޮފް ސިޓީސް، ލޯކަލް ގަވަރމެންޓް އެންޑް ޕަބްލިކް ވާރކްސް ގުޅިގެން ލާމަރިކަޒީ ނިޒާމު ހިންގުމުގައި ހުރި ދަތިތަކާއި، ލާމަރުކަޒީ ނިޒާމު އިތުރަށް ހަރުދަނާކުރުމަށް ކުރެވިދާނެ ކަންކަން ދެނެގަނެ، ދުނިޔޭގެ އެހެން ގައުމުތަކުން މިނިޒާމާގުޅޭ ތަޖުރިބާ ހޯދައި، ރާއްޖޭގެ ލާމަރުކަޒީ ނިޒާމު އިތުރަށް ހަރުދަނާކުރުމަށް ކުރެވިދާނެ ކަންކަން ދެނެގަތުމަށް، ލާމަރިކަޒީ ނިޒާމު ހަރުދަނާގޮތެއްގައި ހިންގަމުންދާ ޕިލިޕީންސްގައި ބާއްވާ ތަމްރީނު ޕްރޮގްރާމެއްގައި މި ކައުންސިލުން ބައިވެރިވެއްޖެއެވެ. މިޕްރޮގްރާމްގައި މިކައުންސިލް ތަމްސީލު ކޮށްދީފައިވަނީ ކައުންސިލް އެގްޒެކްޓިވް މުނީރާ އިބްރާހިމް އެވެ.
މި ޕޮރޮގްރާމްގައި ، ކައުންސިލްގެ ނިންމުންތަށް ނިންމުމުގައި ޕިލިޕީންސްގައި ގެންގުޅޭ އުޞޫލުތަކާއި، ކަންކަން ނިންމުމުގައި މުޖުތަމަޢުގެ ބައިވެރިވުން އިތުރުކުރެވިދާނެ ގޮތްތަކާއި، ދެމެހެއްޓެނިވި ގޮތެއްގައި މުޖުތަމަޢުގެ ބައިވެރިވުން އިތުރުކުރުމަށް ގެންގުޅޭ ބެސްޓް ޕްރެކްޓިސްތަކާއި ގުޅޭގޮތުން މަޢުލޫމާތު ދެއްވާފައިވެއެވެ.
މި ތަމްރީނު ޕްރޮގްރާމަކީ ރާއްޖޭގެ ލާމަރުކަޒީ ނިޒާމު އިތުރަށް ހަރުދަނާކުރުމަށް ބޭއްވުނު ޕްރޮގްރާމެކެވެ. މި ތަމްރީނުގެ ސަބަބުން ކައުންސިލްތަކުގެ މުވައްޒަފުންނަށް އެ ދާއިރާއިން އިތުރު ހުނަރާއި ތަޖުރިބާ ލިބި، ރާއްޖޭގެ ލާމަރުކަޒީ ނިޒާމު އިތުރަށް ހަރުދަނާވުމަށް މުހިންމު ބިންގަލެއް އެޅިގެންދާނެ ކަމަށް އުންމީދު ކުރެވެއެވެ.
”ކެޕޭސިޓީ ބިލްޑިންގް އެންޑް ޓްރެއިނިންގް އޮފް މެމްބާރސް އޮފް ލޮކަލް ކައުންސިލް އެންޑް ވިމެން ޑިވެލޮޕްމެންޓް ކޮމިޓީ އެންޑް ސްޓާފް އޮފް ލޯކަލް ގަވަރމަންޓް އޮތޯރިޓީ “ 8 ވަނަ ބެޗްގެ ތަމްރީނު ޕްރޮގްރާމެއްގައި މިކައުންސިލުން ބައިވެރިވެއްޖެ.
“ ލޯކަލް ކައުންސިލްތަކާއި އަދި ލޮކަލް ގަވާރމަންޓް އޮތޯރިޓީގެ ފަންނީ ޤާބިލްކަން ކުރިއަރުވައި ހުނަރު ތަރައްޤީކުރުމުގެ މަޤުސަދުގައި ދިވެހި ސަރުކާރާއި އިންޑިއާގެ ނޭޝަނަލް އިންސްޓިޓިއުޓް އޮފް ރޫރަލް ޑިވޮލޮޕްމެންޓް އެންޑް ޕަންޗަޔާތީ ރާގް އާއި ގުޅިގެން 2025 ފެބްރުވަރީ 09 ފެށިގެން 24 ގެ ނިޔަލަށް އިންޑިޔާގެ ހައިދަރއާބާދުގައި ކުރިއަށް ގެންދާ ތަމްރީން ޕްރޮގްރާމެއް ގައި މިކައުންސިލްގެ ކައުންސިލް މެމްބަރ އަޙްމަދު ޝިޔާމް ބައިވެރި ވެއްޖެއެވެ.
މި ޕޮރޮގްރާމްގައި ، މުނިސިޕަލް ސާރވިސްއާއި ގުޅުންހުރި ކަންކަން ޙައްލުކުރުމުގައި ކަންކުރަންވީ ގޮތްތަކާއި، ސަރުކާރުގެ އިދާރާކަން ހެދހިދާނެ އުސޫލުތަކާއި ސްޓްރެޓެޖީސް ބައިވެރިންނަށް ކިޔާދިނުމަށް ވަނީ ހަމަޖެހިފައެވެ. މަސައްކަތްތެރި، ޤާބިލް، ހުނަރުވެރި މުވައްޒަފުންތަކެއް އުފެއްދުމައްޓަކައި މިފަދަ ފުރުޞަތުތައް އެފަދަ މުވައްޒަފުންނަށް ހޯދައިދިނުމަކީ މިކައުންސިލުން ވަރަށް ޚާއްސަ އިސްކަމެއް ދީގެން ކުރިޔަށްގެންދާ ކަމެއްކަން ފާހަގަކޮއްލަމެވެ
ފ. ނިލަންދޫ ނަރުދަމާއަށް އަވަސް ޙައްލެއް ހޯދުމަށް މަޝްވަރާކުރުމަށް ފެނަކައާއި ބައްދަލުކުރައްވައިފި.
ފ.ނިލަންދޫ ނަރުދަމާ އަށް ދިމާވެފައި މައްސަލަތަށް ޙައްލުކުރުމަށްޓަކައި ފ. ނިލަންދޫ ކައުންސިލުން ފެނަކަ ކޯޕަރޭޝަންގެ އެމް.ޑީ އާއި ބައްދަލުކުރައްވައިފި އެވެ. މި ބައްދަލުވުން ކުރިއަށް ގޮސްފައިވަނީ 2025 ޖަނަވަރީ 30 ވަނަ ދުވަހު ފެނަކަ މެއިންބްރާންޗް ގައެވެ.
ނިލަންދޫ ނަރުދަމާއަށް ދިމާވެފައިވާ ދުވަސްވީ މައްސަލައަސް އަށް ޙައްލެއްހޯދުމަށް ނިލަންދޫ ކައުންސިލުން ކުރަމުންދާ މަސައްކަތުގެ ތެރެއިން މީގެ ކުރިންވެސް އެތަށް ފަހަރަކު ފެނަކަ އާއި ބައްދަލުކޮށް މަޝްވަރާ ކޮށްފައިވެއެވެ. މިބައްދަލުވުމުގައި ނިލަންދޫ ނަރުދަމާގެ މިހާރުގެ ޙާލަތަށް އަލިއަޅުވާލައި، މިކަމުގެ ސަބަބުން ޢާންމު ރައްޔިތުން އުފުލަމުންދާ ތަކުލީފަށް އަވަސް ޙައްލެއް ހޯދައި ދިނުމަށް އެދިފައިވެއެވެ. ކައުންސިލްގެ ކަންބޮޑުވުންތަކަށް ރިޔާޢަތްކޮށް ނަރުދަމާއަށް ދިމާވެފައިވާ މައްސަލައަށް އަވަސް ޙައްލެއް ހޯދައިދޭނެ ކަމުގެ ޔަޤީންކަން ފެނަކައިން ވަނީ ދެއްވާފައެވެ. އަދި 2025 ޖަނަވަރީ 31 ވަނަ ދުވަހު ނަރުދަމާއަށް ދިމާވެފައިވާ މައްސަލައަށް ވަގުތީ ޙައްލެއް ހޯދުމަށް ބޭނުން ވާ ޕަންޕް ތަށް ވަނީ ނިލަންދުއަށް ފޮނުވާދެއްވާފައެވެ.
މި ޕަންޕްތަށް އިންސްޓޯލް ކުރުމުގެ ސަބަބުން ނަރުދަމާއަށް ދިމާވެފައިވާ މައްސަލައަށް ވަގުތީ ހައްލެއް ލިބޭނެކަމާއި، ދާއިމީ ޙައްލެއް ލިބެންދެން ކައުންސިލުން މިކުރާ މަސައްކަތް ހުށޓާނުލާނެކަމަށް ކައުންސިލުން މަޢުލޫމާތު ދެއްވާފައިވެއެވެ.
ފ. ނިލަންދޫ ފުޓްސަލް ދަނޑު މަރާމާތު މަސައްކަތާއި ގުޅޭ ގޮތުން މިނިސްޓީއާއެކު މަޝްވަރާ ބައްދަލުވުމެއް ބާއްވައިފި.
ފ. ނިލަންދޫގެ ފުޓްސަލް ދަނޑު މަރާމާތު މަސައްކަތްތަކާއި ގުޅޭ މަޝްވަރާތަކަށް ޔޫތު މިނިސްޓްރީގެ އިސްވެރިންނާއި، 2025 ޖަނަވަރީ 30 ވަނަ ދުވަހު ފ.ނިލަންދޫ ކައުންސިލްގެ ރައީސް ބައްދަލުކުރައްވައިފިއެވެ.
މިބައްދަލުވުމުގައި ފުޓުސަލް ދަނޑުގައ ކުރަން ހުރި މަސައްކަތް ތަކާއި، މިހާރު މަސައްކަތް ކުރިއަށް ގޮސްފައިވާ މިންވަރާއި، މަސައްކަތް ކުރިއަށް ގެންދިޔުމަށް މިނިސްޓްރީގެ ފަރާތުން ބޭނުންވާ އެހީ ތެރިކަމާއި ގުޅޭ މަޝްވަރާތަށް ކުރެވިފައިވެއެވެ.އަދި ފުޓްސަލް ދަނޑު މަރާމާތުކޮށް ނިންމުމަށް ފަހު ރަމަޟާން މަހުގެ ކުރިން ހުޅުވަން ބޭނުންވާތީ، މިކަމަށް އެއްބާރުލުންދިނުމަށް ނިލަންދޫ ކައުންސިލުން އެދިވަޑައިގެންނެވިއެވެ. ކައުންސިލްގެ އެދުމާއި އެއްގޮތަށް މިމަސައްކަތް ކުރިއަށް ގެންދިޔުމުގައި ފުރިހަމަ އެއްބާރުލުން ލިބޭނެކަމުގެ ފެހި ސިގްނަލް މިނިސްޓްރީގެ ފަރާތުން ވަނީ ލިބިފައެވެ.
ފުޓްސަލް ދަނޑުގެ މާރާމާތު މަސައްކަތަކީ މިހާރުވެސް ބަޔަކާ ހަވާލުކޮށްގެން ކުރިއަށްދާ މުޙިންމުކަމެއް ކަމުގައި ކައުންސިލުން ވަނީ ފާހަގަކޮށްފައެވެ.
ފ. ނިލަންދޫ ކައުންސިލުން އިސްލާމިކް ޔުނިވާރސިޓީ އޮފް މޯލްޑްވްސް އާއި ބައްދަލު ކުރައްވައިފި.
ފ. ނިލަންދޫ ކައުންސިލުން އިސްނަގައިގެން އިސްލާމިކް ޔުނިވާރސިޓީ އޮފް މޯލްޑްވްސްގެ އިސްވެރިންނާއި، 2025 ޖަނަވަރީ 30 ވަނަ ދުވަހު ބައްދަލުކުރައްވައިފިއެވެ.
އިސްލާމިކް ޔުނިވާރސިޓީ އޮފް މޯލްޑްވްސް ގައި ބޭއްވުނު މިބައްދަލުވުމުގައި އެ ޔުނިވާރސިޓީ އިން ހިންގާ ކޯސްތަށް ނިލަންދޫގައި ހިންގުމާއި އިސްލާމިކް ޔުނިވާރސިޓީގެ ގޮތްޕެއް ނިލަންދޫ ގައި ޤާއިމްކުރުމާއި ގުޅޭ މަޝްވަރާތަށް ކުރެވިފައިވެއެވެ. ކައުންސިލްގެ އެދުމާއި އެއްގޮތަށް މިމަސައްކަތް ކުރިއަށް ގެންދިޔުމުގައި ފުރިހަމަ އެއްބާރުލުން ލިބޭނެކަމުގެ ފެހި ސިގްނަލް އިސްލާމިކް ޔުނިވާރސިޓީގެ ވައިސް ޗާންސެލަރ ޑރ.އަލީ ޒާހިރު ވަނީ ދެއްވައިފައެވެ.
ތަޢުލީމީ މުޖުތަމަޢެއް ބިނާކުރުމުގެ މުޙިންމުކަމާއި މިކަމަށް ވަރަށް ޚާއްސަ އަޙައްމިޔަތުކަމެއްދޭކަން ކައުންސިލުން ވަނީ ފާހަގަކޮށްފައި ވެއެވެ.
ފ. ނިލަންދޫ – ބޯކޮށް ވާރޭވެހި ބޮޑެތި ގެއްލުންތަކެއް.
2025 ޖަނަވަރީ 03 ވަނަ ދުވަހުގެ ހެނދުނުން ފެށިގެން ވެހުނު ބޯ ވާރޭގައި ރަށުތެރެ ފެންބޮޑުވެ، 83 ގޯއްޗަކަށް ފެންވަދެ، އާންމު ރައްޔިތުންނަށް ބޮޑެތި ގެއްލުންތަކެއް ވެއްޖެއެވެ. މި ހާދިސާގައި 63 ގެއަކަށް ފެންވަދެ، 31 ގެއެއްގެ މުދަލަށް ގެއްލުން ވެފައިވާ ކަމަށް ކައުންސިލުން މަޢުލޫމާތު ދެއެވެ. މީގެ ތެރެއިން 23 ގެއަކުން ވަނީ ވިއްސާރާއިގެ ގެއްލުން ބަޔާންކޮށް ނޭޝަނަލް ޑީޒާޒްސްޓަރ މެނޭޖްމަންޓަށް ފޯމު ހުށަހަޅާފައެވެ.
ފެންބޮޑުވުމުގެ ސަބަބުން ނަރުދަމާ ނިޒާމަށްވެސް ބޮޑެތި ގެއްލުންތަކެއް ވެފައިވާ ކަމަށް ކައުންސިލުން ބުނެއެވެ. މިގޮތުން 12 ގެއެއްގައި ނަރުދަމާ ފުރި މަތިން އަރާފައިވާއިރު،
ކައުންސިލުން ވަނީ މި ހާދިސާއާ ގުޅިގެން ވަގުތުން އެހީތެރިކަން ފޯރުކޮށްދިނުމަށް ނިކުމެ މަސައްކަތްކޮށްފައެވެ. އަދި ގެއްލުން ލިބުނު ގެތަކަށް ވެލި ގޯނުޖެހުމާއި ފެންހިއްކުމުގެ މަސައްކަތުގައި އެހީތެރިކަން ފޯރުކޮށްދިނުމުގެ ކައުންސިލްގެ މުވައްޒަފުން މިރަށުގެ ފަޔާރ ސްޓޭޝަންއާއި ގުޅިގެން ހަރާކާތްތެރިވެފައިވެއެވެ.
މި ހާދިސާއަކީ ފާއިތުވި އަހަރުތަކާ އަޅާބަލާއިރު ރަށަށް ދިމާވި އެންމެ ބޮޑު ފެންބޮޑުވުމުގެ ހާދިސާކަމަށް ކައުންސިލުން ފާހަގަކުރެއެވެ. އަދި މިފަދަ ހާދިސާތަކުން ރައްކާތެރިވުމަށް ދާއިމީ ހައްލެއް ހޯދުމަށް މަސައްކަތްކުރާނެ ކަމަށްވެސް ކައުންސިލުން ބުނެއެވެ.
ގެއްލުން ލިބުނު ފަރާތްތަކަށް ބޭނުންވާ އެހީތެރިކަން ހޯދުމަށް ކަމާބެހޭ އިދާރާތަކާ ގުޅިގެން މަސައްކަތްކުރަމުންދާ ކަމަށް ކައުންސިލުން މަޢުލޫމާތު ދީފައިވެއެވެ.
ފ. ނިލަންދޫ މަސްމާރުކޭޓް ސަރަޙައްދު ސާފުކޮށްފި.
ފ. ނިލަންދޫ މަސްމާރުކޭޓް ސަރަޙައްދު އާންމު ސާފުތާހިރުކަމުގެ މިންގަނޑާ ޚިލާފަށް ވަރަށް ބޮޑަށް ހަޑިވެފައިވާތީ، 2025 ޖަނަވަރީ 25 ވީ ހޮނިހިރު ދުވަހު، ކައުންސިލް މުވައްޒަފުން ނިކުމެ އެ ސަރަޙައްދު ސާފުކޮށްފިއެވެ.
ނިލަންދޫ ކައުންސިލުން މަޢުލޫމާތު ދެއްވިގޮތުގައި، މި މަސައްކަތް ކުރެވިފައިވަނީ މަސްމާރުކޭޓް ސަރަޙައްދު ދުވަހެއް ދުވަހަކަށް ހަޑިވަމުން ދިއުމާއި، ނުބައިވަސް ދުވުމާއި، ގުޅިގެންނެވެ. މި މަސައްކަތުގައި ކައުންސިލްގެ ގިނަ މުވައްޒަފުން ބައިވެރިވެފައިވާކަން ފާހަގަކުރެވެއެވެ.
”މަސްމާރުކޭޓް ސަރަޙައްދަކީ ރަށުގެ އެންމެ މުހިންމު އެއް ސަރަޙައްދު. އެހެންކަމުން މި ސަރަޙައްދު ސާފުތާހިރުކޮށް ބެހެއްޓުމަކީ ވަރަށް މުހިންމު ކަމެއް,“ ކައުންސިލްގެ އިސް މުވައްޒަފެއް ވިދާޅުވިއެވެ.
މީގެ އިތުރުން، މަސްމާރުކޭޓް އާންމުކޮށް ބޭނުންކުރާ ފަރާތްތަކާ ބައްދަލުކޮށް، ތަން ސާފުކޮށް ބޭއްވުމުގައި ފުރިހަމަ އެއްބާރުލުން ދިނުމަށް ކައުންސިލުން އެދިފައިވެއެވެ. މިބައްދަލުވުމުގައި ކައުންސިލުން އިސްނަގައިގެން މާރުކޭޓު ސާފުކޮށްފައިވާތީ އިފާކުރާކަމާއި އަދި ކުރިއަށް އޮތްތަނުގައި މި ސަރަޙައްދު ސާފުތާހިރުކޮށް ބެހެއްޓުމަށް އެއްބާރުލުން ދޭނެކަމަށް ބައްދަލުވުމުގައި ބައިވެރިިން ބުނެފައެވެ. އަދި އާންމުންނަށް ދަތިވާތީ، މަސްމާރުކޭޓް ސަރަޙައްދުގެ ކަރަންޓު ރަނގަޅުކޮށް، އިތުރު ލައިޓްތަކެއް ވެސް ހަރުކޮށްފައިވާކަން ކައުންސިލުން ހާމަކޮށްފައިވެއެވެ.
”މިއީ ހަމައެކަނި އެއްފަހަރު ކުރާ ކަމަކަށް ވެގެން ނުވާނެ. މަސްމާރުކޭޓް ސަރަޙައްދު ސާފުތާހިރުކޮށް ބެހެއްޓުމަކީ އަޅުގަނޑުމެން އެންމެންގެ ޒިންމާއެއް,“ ކައުންސިލްގެ ރައީސް ވިދާޅުވިއެވެ. އަދި އަބަދުވެސް މިސަރަޙައްދު ސާފުތާހިރުކޮށް ބޭއްވުމާއި މިނޫންވެސް ރަށުގެ އިޖްތިމާޢީ ސަރަޙައްދުތަށް ސާފުކޮށް ބޭއުވުމަށް ކައުންސިލުން ކުރަމުންދާ މަަސައްކަތަށް އެންމެންގެވެސް ބައިވެރިވުމާ އެއްބާރުލުން ބޭނުންވާކަމުގައި ނިލަންދޫ ކައުނސިލްގެ ރައީސް ވިދާޅުވެފައިވެއެވެ.
ރޯދަމަހަށް ތައްޔާރުވުމުގެ ގޮތުން ހުކުރު މިސްކިތުގެ މަރާމާތު މަސައްކަތް ފަށައިފި.
ރޯދަމަހަށް ތައްޔާރުވުމުގެ ގޮތުން ހުކުރު މިސްކިތުގެ މަރާމާތު މަސައްކަތް މިއަދު ފަށައިފިއެވެ. ކައުންސިލުން އިސްނަގައިގެން ހެޔޮއެދޭ ފަރާތްތަކުގެ އެހީތެރިކަމާއެކު 2025 ޖަނަވަރީ 30 ވަނަ ދުވަހުގެ ފަތިހު 5:45 މި މަސައްކަތް .ވަނީ ފަށައިފައެވެ
ހުކުރު މިސްކިތް އާބާތުރަ ފިލުވުމަށް ކުރަންހުރި މަސައްކަތް ތަކުގެ ތެރޭގައި މިސްކިތުގެ އެތެރޭގައި ތަނބެއް ޖެހުމާއި، ބެރިއެއް އެޅުމުގެ އިތުރުން މިސްކިތުގެ އެތެރޭގައި ނޭވިލޯނު އެޅުމާއި، ވަށައިގެންވާ ފެންޑާ ސީލިންގ ކުރުމުގެ މަސައްކަތް އަދި މިސްކިތަށް ވަންނަ ސިޑިބަރި މަރާމާތުކުރުމުގެ މަސައްކަތް ހިމެނެއެވެ.
މި މަސައްކަތް ނިންމުމަށް 7 ދުވަހުގެ މުއްދަތެއް ނަގާނެކަމަށް ލަފާކުރެވޭތީ، މިހާރު ވަނީ މިސްކިތް ބަންދުކޮށްފައެވެ. މި މަސައްކަތް ކުރިއަށްދާނީ ކައުންސިލުގެ ބެލުމުގެ ދަށުން ކަމަށް ވުމާއެކު، މުއްދަތުގެ ތެރޭގައި މަސައްކަތް ނިންމައި މިސްކިތް އަލުން ހުޅުވާލެވޭނެ ކަމަށް ބެލެވެއެވެ.
ކޮންމެ އަހަރަކުވެސް ރޯދައަށް ތައްޔާރުވުމުގެ ގޮތުން މިސްކިތްތަށް މަރާމާތުކުރާ ކަމާއި، މިކަމަކީ ކައުންސިލުން ވަރަށް އިސްކަމެއްދީގެން ކުރާ ކަމެއް ކަމުގައި ފާހަގަކޮށް އަދި މިފަދަ ކޮންމެ ކަމެއްވެސް ކުރިއަށް ގެންދިއުމުގައި ކައުންސިލްއާއި އެކު ޢާންމުންގެ ފަރާތުން ލިބޭ އެއްބާރުލުމާއި އެހީތެރިކަން ފާހާގަކޮށް ކައުންސިލުގެ ނަމުގައި ޝުކުރު އަދާކޮށްފައިވެއެވެ.