Author: Counciluser02

ސަރުކާރުގެ ފަރާތުން ފ.ނިލަންދޫގައި ތަރައްޤީކުރާ އެއަރޕޯޓްގެ ބިންހިއްކުމަށް ބޭނުންވާ ވެލި ނެގުމަށް ފުރަތަމަ ކަނޑައެޅިފައިވާ ސަރަޙައްދު ބަދަލުވުމާއި ގުޅިގެން، ވެލި ނެގުމަށް ހުށަހަޅާފައިވާ އައު ސަރަޙައްދާއި ގުޅޭގޮތުން ރައްޔިތުންގެ ޚިޔާލު ހޯދުމަށް 2024 އޮކްޓޫބަރު 02 ވީ ބުދަ ދުވަހުގެރޭ ފ. ނިލަންދޫ ގޮމަވަތީގައި ބައްދަލުވުމެއް ބާއްވައިފިއެވެ. މިބައްދަލުވުމުގައި ރައްޔިތުންގެ ފަރާތުން 91 މީހުން ވަނީ ބައިވެރިވެފައެވެ. މި ބައްދަލުވުން ތަޢާރަފްކުރަމުން ކައުންސިލްގެ ރައީސް ޢަލީ އަޙްމަދު ”ވިދާޅުވީ ދިވެހި ސަރުކާރުގެ ފަރާތުން ފ. ނިލަންދޫގައި ތަރައްޤީކުރާ އެއަރޕޯޓްގެ ބިން ހިއްކުމަށް ބޭނުންވާ ވެލި ނެގުމަށްޓަކައި މިހާރު ވެލި ނަގަމުންގެންދާ ނިލަންދޫ ވިލު ދުނީގެ އަށްދަށު ގުންޑޮޅިން އެކަށިގެންވާ ޖާގައެއް އެއްގަމަށް ދޫކޮށް، ކަމާއިގުޅުންހުރި އިދާރާތަކުން އަލަށް ވެލި ނަގަން ބޭނުންވާ ސަރަޙައްދު 2 ފަހަރު ސަރވޭކޮށް ކުރެހުން ފޮނުވާފައިވާތީ، ފޮނުވާފައިވާ ކުރެހުމާއި އެއްގޮތަށް އެއަރޕޯޓަށް ބޭނުންވާ ބިން ހިއްކުމުގެ މަސައްކަތް ކުރިޔަށް ގެންދިޔުމަށް ކަމާގުޅުންހުރި އިދާރާތަކަށް ލިޔެކިޔުން ހުށަހަޅައި ހުއްދަ ހޯދުމުގެ ކުރިން މިކަމަކީ ރައްޔިތުންގެ ޚިޔާލު އޮންނަންޖެހޭ ކަމެއްކަމުން މިބައްދަލުވުމަކީ ރައްޔިތުންގެ ޚިޔާލު ހޯދުމުގެ ގޮތުން ބޭއްވި ބައްދަލުވުމެއް“ ކަމަށެވެ.

މިބައްދަލުވުމުގައި ރައްޔިތުންގެ ޚިޔާލު ހުށަހެޅުމަށް ހުޅުވާލި ފުރުޞަތުގައި ފ. ނިލަންދޫ އައްސޭރި ޢަލީ އަޙްމަދު ވިދާޅުވީ ”ރިޔާސަތުން ދީފައިވާ މަޢުލޫމާތާ އެއްގޮތަށް ދިވެހި ސަރުކާރުގެ ފަރާތުން ފ. ނިލަންދޫގައި ތަރައްޤީކުރާ އެއަރޕޯޓްގެ ބިން ހިއްކުމަށް ބޭނުންވާ ވެލި ނެގުމަށްޓަކައި މިހާރު ވެލި ނަގަމުންގެންދާ ނިލަންދޫ ވިލު ދުނީގެ އަށްދަށު ގުންޑޮޅިން އެކަށިގެންވާ ޖާގައެއް އެއްގަމަށް ދޫކޮށް، ކަމާއިގުޅުންހުރި އިދާރާތަކުން އަލަށް ވެލި ނަގަން ބޭނުންވާ ސަރަޙައްދު 2 ފަހަރު ސަރވޭކޮށް ކުރެހުން ފޮނުވާފައިވާތީ، ފޮނުވާފައިވާ ކުރެހުމާއި އެއްގޮތަށް އެއަރޕޯޓަށް ބޭނުންވާ ބިން ހިއްކުމުގެ މަސައްކަތް ކުރިޔަށް ގެންދިޔުމަށް ކަމާގުޅުންހުރި އިދާރާތަކަށް ލިޔެކިޔުން ހުށަހަޅައި ހުއްދަ ހޯދުމުގެ މަސައްކަތް ވީހާވެސް އަވަސްކޮށް ކުރިއަށް ގެންދަން ބޭނުންވާ“ ކަމަށެވެ. އަދި މި ހުށަހެޅުން ބައްދަލުވުމުގައި ބައިވެރިވި މީހުން އަޤްލަބިއްޔަތުން ވަނީ ފާސްވެފައެވެ.

ސަރުކާރުގެ ފަރާތުން ފ.ނިލަންދޫގައި ތަރައްޤީކުރާ އެއަރޕޯޓްގެ ބިންހިއްކުމަށް ބޭނުންވާ ވެލި ނެގުމަށް ފުރަތަމަ ކަނޑައެޅިފައިވާ ސަރަޙައްދު ބަދަލުވުމާއި ގުޅިގެން، ވެލި ނެގުމަށް ހުށަހަޅާފައިވާ އައު ސަރަޙައްދާއި ގުޅޭގޮތުން މަޝްވަރާކުރުމަށް ކައުންސިލަށް މަޝްވަރާދޭ ކޮމެޓީގެ ބޭފުޅުންނާއެކު 2024 އޮކްޓޫބަރު 02 ވީ ބުދަ ދުވަހު ކައުންސިލްގައި ބައްދަލުވުމެއް ބާއްވައިފިއެވެ. މި ބައްދަލުވުން ތަޢާރަފްކުރަމުން ކައުންސިލްގެ ރައީސް ޢަލީ އަޙްމަދު ވިދާޅުވީ ”ދިވެހި ސަރުކާރުގެ ފަރާތުން ފ. ނިލަންދޫގައި ތަރައްޤީކުރާ އެއަރޕޯޓްގެ ބިން ހިއްކުމަށް ބޭނުންވާ ވެލި ނެގުމަށްޓަކައި މިހާރު ވެލި ނަގަމުންގެންދާ ނިލަންދޫ ވިލު ދުނީގެ އަށްދަށު ގުންޑޮޅިން އެކަށިގެންވާ ޖާގައެއް އެއްގަމަށް ދޫކޮށް، ކަމާއިގުޅުންހުރި އިދާރާތަކުން އަލަށް ވެލި ނަގަން ބޭނުންވާ ސަރަޙައްދު 2 ފަހަރު ސަރވޭކޮށް ކުރެހުން ފޮނުވާފައިވާތީ، ފޮނުވާފައިވާ ކުރެހުމާއި އެއްގޮތަށް އެއަރޕޯޓަށް ބޭނުންވާ ބިން ހިއްކުމުގެ މަސައްކަތް ކުރިޔަށް ގެންދިޔުމަށް ކަމާގުޅުންހުރި އިދާރާތަކަށް ލިޔެކިޔުން ހުށަހަޅައި ހުއްދަ ހޯދުމުގެ ކުރިން މިކަމަކީ މަޝްވަރާކޮމެޓީގެ ޚިޔާލު އޮންނަންޖެހޭ ކަމެއްކަމުން މިބައްދަލުވުމަކީ މަޝްވަރާކޮމެޓީގެ ޚިޔާލު ހޯދުމުގެ ގޮތުން ބޭއްވި ބައްދަލުވުމެއް“ ކަމަށެވެ.

މިބައްދަލުވުމުގައި މަޝްވަރާކުރުމަށްފަހު ނިމިފައިވަނީ، މިމައްސަލައަކީ މަޝްވަރާކޮމެޓީގެ 8 ވަނަ ޖަލްސާއިން ކަމާގުޅުންހުރި އިދާރާތަކުން ފޮނުވާފައިވާ ކުރެހުމާއި އެއްގޮތަށް ކުރިޔަށް ގެންދިޔުމަށް އެންމެ ރަނގަޅުކަމަށް ނިންމާފައިވާ ނިންމުމެއް ކަމަށާއި، މިއަދުގެ މި ބައްދަލުވުމުގައިވެސް ރިޔާސަތުން ދީފައިވާ މަޢުލޫމާތާ އެއްގޮތަށް ދިވެހި ސަރުކާރުގެ ފަރާތުން ފ. ނިލަންދޫގައި ތަރައްޤީކުރާ އެއަރޕޯޓްގެ ބިން ހިއްކުމަށް ބޭނުންވާ ވެލި ނެގުމަށްޓަކައި މިހާރު ވެލި ނަގަމުންގެންދާ ނިލަންދޫ ވިލު ދުނީގެ އަށްދަށު ގުންޑޮޅިން އެކަށިގެންވާ ޖާގައެއް އެއްގަމަށް ދޫކޮށް، ކަމާއިގުޅުންހުރި އިދާރާތަކުން އަލަށް ވެލި ނަގަން ބޭނުންވާ ސަރަޙައްދު 2 ފަހަރު ސަރވޭކޮށް ކުރެހުން ފޮނުވާފައިވާތީ، ފޮނުވާފައިވާ ކުރެހުމާއި އެއްގޮތަށް އެއަރޕޯޓަށް ބޭނުންވާ ބިން ހިއްކުމުގެ މަސައްކަތް ކުރިޔަށް ގެންދިޔުމަށް ކަމާގުޅުންހުރި އިދާރާތަކަށް ލިޔެކިޔުން ހުށަހަޅައި ހުއްދަ ހޯދުމުގެ މަސައްކަތް ވީހާވެސް އަވަސްކޮށް ކުރިއަށް ގެންދަން ބައްދަލުވުމުގައި ބައިވެރިވި މެމްބަރުންގެ އިއްތިފާޤުން ވަނީ ފާސްވެފައިވެފައެވެ.

ރައީސް ޑރ. މުހައްމަދު މުއިއްޒު އިޢުލާން ކުރައްވާފައިވާ ފަސް މިލިއަން ގަސް އިންދުމަށް ޕްރޮގްރާމް ދަށުން 2024 ސެޕްޓެންބަރު 28 ވީ ހޮނިހިރު ދުވަހު ފ. ނިލަންދޫ ޗާންދަނީ މަގުގައި 32 ބަބުކެޔޮ ގަސް އިންދައިފިއެވެ. ޖަމްޢިއްޔަތުއް ޝަބާބުން ހަދިޔާކޮށްފައިވާ ބަބުކެޔޮ ގަސްތައް އިންދުމުގެ މި ޙަރަކާތް ފައްޓަވައިދެއްވީ ނިލަންދެއަތޮޅު އުތުރުބުރީ ނިލަންދޫ ކައުންސިލްގެ ރައީސް އަލްފާޟިލް ޢަލީ އަޙްމަދެވެ.

ރާއްޖެ ފެހިކުރުމަށާއި ގަސްތަކުގެ މާހައުލީ ނިޒާމްތައް ރައްކާތެރިކޮށް ދެމެހެއްޓުމާއި މޫސުމީ ބަދަލުން ދިމާވާ ނުރައްކާތަކަށް ރާއްޖޭގެ ވިލުންތެރިކަން އިތުރުކުރުމަށްޓަކައި ފަސް އަހަރުގެ ތެރޭގައި، ފަސް މިލިއަން ގަސް ރާއްޖޭގެ އެކިކަންކޮޅުތަކުގައި އިންދުމުގެ މަޝްރޫއެއް ކުރިއަށް ގެންދިއުމަކީ އަދުގެ ރައީސްގެ ރިޔާސީ ވައުދެކެވެ.

އަދި ކުރިއަށް އޮތްތަނުގައި ރަށުގެ އެކި ސަރަހައްދުތަކުގައި މޭވާ އަޅާ ގަހާއި ހިޔާ ލިބޭ ގަހާއި ދިވެހި ބޭސްވެރިކަމަށް ބޭނުންކުރާ އެކި ބާވަތުގެ ގަސް އިންދުމަށް ވަނީ ނިންމާފައެވެ.

ދުނިޔޭގެ އޯޒޯން ދުވަހާއި ، ފަތުރުވެރިކަމުގެ ދުވަސް ފާހަގަކުރުމުގެ ގޮތުން ކައުންސިލުން އިސްނަގައިގެން ރަށުގައި ހުރި ސަރުކާރުގެ ބައެއް އިދާރާތަކާއ ގުޅިގެން ރަށުގެ ވަށައިގެން ގޮނޑުދޮށް ސާފުކުރުމުގެ ޙަރަކާތެއް 2024 ސެޕްޓެންބަރު 28 ވީ ހޮނިހިރު ދުވަހު ކުރިޔަށް ގެންގޮސްފިއެވެ. މިޙަރަކާތުގައި ފ. ނިލަންދޫ ޕޮލިސް ސްޓޭޝަންގެ މުވައްޒަފުންނާއި، ފ. އަތޮޅު ކައުންސިލްގެ މުވައްޒަފުންގެ އިތުރުން ބެންކް އޮފް މޯލްޑިވްސް ނިލަންދޫ ބްރާންޗު މުވައްޒަފުންގެ އެހީތެރިކަން ވަނީ ލިބިފައެވެ.

ދިވެހިރާއްޖޭގެ އިމާމުންނަށް ދިމާވާ ދަތިތަކަށް ހައްލު ހޯދުމަށާއި، އިމާމުންގެ ޚިޔާލާއި މަޝްވަރާ ހޯދުމަށާއި އިމާމުންނަށް މުހިއްމު ފިލާވަޅުތަކެއް ނަގައިދިނުމަށް އިސްލާމީ ކަންތައްތަކާ ބެހޭ ވުޒާރާއިން ކުރިއަށް ގެންދިޔަ އިމާމުންގެ މަހާސިންތާގައި ނިލަންދޫގެ ހަތަރު މިސްކިތުގެ އިމާމުންވެސްވަނީ ބައިވެރިވެފައެވެ. އިސްލާމިކް މިނިސްޓްރީގެ ފާރަތުން މާލޭގައި އަދި ހަމައެހެންމެ އޮންލައިންކޮށް ކުރިޔަށް ގެންދެވުނު ސެޝަންތަކުގައިވެސް ނިލަންދޫގެ އިމާމުން/މުދިމުން ވަނީ ބައިވެރިވެފައެވެ. އެހެންކަމުން ރާއްޖޭގައި ބޭއްްވުނު ފުރަތަމަ މަހާސިންތާގައި ބައިވެރިވި ނިލަންދޫގެ ހަތަރު މިސްކިތުގެ އިމާމުންނަކީ އަބްދުﷲ އަލީ (ހުކުރު މިސްކިތް)، އިބްރާހީމް އަބްދުއްރައްޒާގު( މަސްޖިދުއް ތަޙާލުފި)، އަޙްމަދު މުޖުތަބާ(މަސްޖިދުއް ސަލާމް) އަދި އަބްދުﷲ އަޙްމަދު (މަސްޖިދުލްވަޙްދާ) އެވެ.

ޖުމްލަކޮށް ފަސް ދަންފަޅިޔަކަށް ބަހާލެވިގެން ކުރިޔަށް ގެންދެވުނު މި މަހާސިންތާގައި އިސްލާމީ ކަންތައްތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ނަންގަވައިދެއްވި ހާއްސަ ދަންފަޅިއަކާއި އިސްލާމީ މަރުކަޒުގެ އިސް އިމާމު ފަޟީލަތުއްޝައިޚް މުޙައްމަދު ލަޠީފްގެ ހާއްސަ ދަންފަޅިއެއްގެ އިތުރުން، އިމާމުންނަށް ސިވިލް ސާވިސްގެ ޤަވާއިދުތައް ކިޔަވައިދިނުމަށްވެސް ހާއްސަ ދަންފަޅިއެއް ކުރިއަށް ގެންގޮސްފައިވެއެވެ. މީގެ އިތުރުން އިމާމުންނަށް ފިޤުހީ ގޮތުންނާއި އިދާރީ ގޮތުން މުހިއްމު މަޢުލޫމާތުތައް ދިނުމަށް ޕެނަލް ޑިސްކަޝަނެއްގެ އިތުރުން އިމާމުންގެ ޚިޔާލާއި ލަފާ ހޯދުމަށްވެސް ހާއްސަ ދަންފަޅިއެއް ކުރިއަށް ގެންގޮސްފައިވެއެވެ.

މި މަހާސިންތާ ބޭއްވުނު އެންމެ މުހިންމު އެއް މަޤްސަދަކީ ދިވެހިރާއްޖޭގައި މަސައްކަތްކުރަމުންދާ އިމާމުން އެއް ޕްލެޓްފޯމަކުން ބައްދަލުވެ އެކަކު އަނެކަކަށް ތަޢާރަފްވެ، އިމާމުންނަށް ހުރި ގޮންޖެހުންތަކާއި ދަތިތަކާއި ބެހޭ ގޮތުން ފުޅާ ދާއިރާއެއްގައި މަޝްވަރާ ކުރުމާއި އިމާމުންނަށް ޤުރްއާނާއި، ތަޖުވީދުގެ ޢިލްމާއި ތަފްސީރާއި، ފިޤުހާއި، ޙަދީޘާއި، އަޤީދާގެ ޢިލްމުގެ ދާއިރާއިން އިމާމަކަށް ބޭނުންވާ މުހިއްމު ޢިލްމީ މަޢުލޫމާތުތައް ހިއްސާކުރުމާއި މިސްކިތްތައް ބެލެހެއްޓުމުމުގެ ގޮތުން އަދާކުރަންޖެހޭ މަސްއޫލިއްޔަތުތަކާއި އެ މަސްއޫލިއްޔަތުތައް އާދަކުރުމުގައި ހުރި ގޮންޖެހުންތަކާއި އަދި އިމާމުން އިތުރަށް ތާޒާކުރުމާއި އިމާމުންގެ ކަންބޮޑުވުންތައް އަޑުއަހާއި މަޝްވަރާކުރުމަށްޓަކައި ބޭއްވުނު މަޙާސިންތާއެކެވެ.

ފ. ނިލަންދޫ ކައުންސިލްގެ ވޭސްޓްމެނޭޖުމަންޓް މަސައްކަތުގައި ޙަރަކާތްތެރިވާ މުވައްޒަފުން އިސްނަގައިގެން ކައުންސިލްގެ އިދާރީ މުވައްޒަފުންނަށް ދަޢުވަތުދީގެން 2024 ސެޕްޓެންބަރު 22 ވަނަ ދުވަހު އެކުވެރިކަމުގެ ވޮލީމެޗެއް ކުޅެފިއެވެ.  ފ. ނިލަންދޫ ވޮލީ ކޯޓުގައި ކުޅެވުނު އެކުވެރިކަމުގެ ވޮލީ މެޗް ޝަރަފްވެރިކޮށްދެއްވީ ފ. ނިލަންދޫ އިޖުތިމާޢީ އެކިއެކި ކަންކަމުގައި ޙަރަކާތްތެރިވާ އިސްރަށްވެއްސެއްކަމުގައިވާ ފ. ނިލަންދޫ އެސްޖެހިގޭ ޢަބްދުއްރައްޒާޤް ޙުސައިންއެވެ. 2 ޓީމުގެ ފަރާތުން ފޯރިގަދަ ކުޅުމެއް ކުޅެވިގެންދިޔަ މި މެޗު 5 ސެޓަށް ގޮސްގެން 5 ސެޓް 3 ސެޓުން ކާމިޔާބުކޮށްފައިވަނީ ކައުންސިލްގެ އިދާރީ މުވައްޒަފުންގެ ޓީމެވެ.

ފ. ނިލަންދޫ ކައުންސިލް ރެކްރިއޭޝަން ކުލަބު (ފާންކުރި) ގެ ފަރާތުން ކައުންސިލްގެ އިދާރާގައި މަސައްކަތްކުރާ މުވައްޒަފުންނާއި ކައުންސިލްގެ ބެލުމުގެ ދަށުގައިވާ ތަންތާގައި މަސައްކަތްކުރާ މުވައްޒަފުންނަށް އަމާޒުކޮށްގެން ފާންކުރި މަދަޙަ މުބާރާތް މިނަމުގައި މަދަޙަ މުބާރާތެއް ބާއްވާއިފިއެވެ. މިމަދަޙަ މުބާރާތަކީ މުވައްޒަފުންގެ ހިތްތަކުގައި އިސްލާމީ ވަޙްދަތު ޤާއިމުކޮށް މަދަޙަ ކިޔުމުގެ ފަންނު ދިރުވައި އާލާކުރުމާއި، މަދަޙަ ކިޔުމުގެ ހުނަރުވެރިކަން އިތުރުކޮށް މުވައްޒަފުންގެ މެދުގައި އެކުވެރި ގުޅުމެއް ޤާއިމުކުރުމުގެ އިތުރުން ދިވެހި ޅެންވެރިކަމުގެ ދާއިރާއިން ހުނަރުވެރި ބަޔަކު އުފައްދައި އަމިއްލަވަންތަ ރާގުތަކެއް މުޖުތަމަޢަށް އުފަންކުރުމުގެ މަޤްޞަދުގައި ބޭއްވުނު މުބާރާތެކެވެ. 2024 ސެޕްޓެންބަރު 20 ވީ ހުކުރު ދުވަހުގެރޭ ކުރިޔަށްގެންދިޔަ މިމުބާރާތުގެ ޝަރަފްވެރި މެހެމާނަކީ ފ. އަތޮޅު ކައުންސިލްގެ ލީގަލް އޮފިސަރ ޙައްވާ އަނޫޝާއެވެ. ފެށުމުގެ ރަސްމިއްޔާތުގައި ވާހަކަދައްކަވަމުން ޙައްވާ އަނޫޝާ ވިދާޅުވެފައިވަނީ ތަނެއް ކުރިއަރައިދާނީ ތަނުގައި މަސައްކަތްކުރާ މުވައްޒަފުންގެ ގުޅުން ރަނގަޅުވުމާއި ތަނައި ދޭތެރޭގައި މުވައްޒަފުންގެ ހިތުގައި އޮންނަ ލޯބި އިތުވެގެން ކަމުގައެވެ. އަދި ނިލަންދޫ ކައުންސިލް އިސްނަގައިގެން ރަށުތެރޭގައި ކޮންމެ އިވެންޓެއް ބޭއްވިކަމުގައިވީނަމަވެސް ވަރަށް އެކުވެރިކަމާއި އެއްބައިވަންތަކަމާއެކު އަބަދުވެސް މަސައްކަތްކުރާތަން ފެންނަކަމަށާއި، އެގޮތުން ފާންކުރި މަދަޙަ މުބާރާތަކީވެސް މިއަށް އިތުރުވެގެން ދިޔަ ބޮޅެއް ކަމުގައި ފާހަގަކޮށްފައިވެއެވެ.

2024 އޮގަސްޓް 28 ވަނަ ދުވަހު އިޢުލާނުކުރެވުނު މިމުބާރާތައް 6 ޑިޕާޓުމަންޓަކުން ވަނީ ބައިވެރިވެފައެވެ. ބައިވެރިވެފައިވާ ޓީމުތަކުގެ ތެރޭގައި ކައުންސިލް މެމްބަރުން އަދި އަންހެނުންގެ ތަރައްޤީއަށް މަސައްކަތްކުރާ ކޮމެޓީ މެމްބަރުންގެ ޓީމާއި، މުނިސިޕަލް ސަރވިސް އެންޑް އިންފްރާސްޓްރަކްޗަރ މެނޭޖުމަންޓް ޓީމާއި، އިކޮނޮމިކް އެންޑް ސޯޝަލް ޑިވިލޮޕްމަންޓް ޓީމާއި، ކޯޕަރޭޓް އެފެއާޒު ޓީމާއި، މިސްކިތުގައި މަސައްކަތްކުރާ މުވައްޒަފުންގެ ޓީމު އަދި ވޭސްޓް މެނޭޖުމަންޓް މަސައްކަތުގައި ޙަރަކާތްތެރިވާ މުވައްޒަފުންގެ ޓީމު ހިމެނެއެވެ. ވަކި ވަކި މަދަޙަ އަދި ގުރޫޕު މަދަޙަ މި 2 ބައި ހިމެނޭގޮތަށް
2024 ސެޕްޓެންބަރު 20 ވީ ހުކުރު ދުވަހުގެރޭ ކުރިޔަށް ގެންދިޔަ މިމުބާރާތުގައި ހިތްގައިމު މަދަޙަތަކެއް އަޑުއިވިގެންދިޔައިރު މުބާރާތުގެ 1 ވަނަ މަދަޙަ ކިޔުންތެރިއަކީ، ކޯޕަރޭޓް އެފެއާޒު ސެކްޝަން ޓީމުގެ ޔާޝާ ޢަބްދުއްރައްޒާޤުއެވެ. އަދި މުބާރާތުގެ 2 ވަނަ މަދަޙަ ކިޔުންތެރިއަކީ ހަމަ އެ ޓީމުގެ ޙުސައިން ޝާރިފުއެވެ. 3 ވަނަ މަދަޙަ ކިޔުންތެރިއަކަށް ހޮވިފައިވަނީ އިކޮނޮމިކް އެންޑް ސޯޝަލް ޔުނިޓުގެ ޝާބިން އިބްރާހިމްއެވެ. 1 ވަނަ ގުރޫޕް މަދަޙައަކަށް ހޮވިފައިވަނީ ކޯޕަރޭޓް އެފެއާޒު ސެކްޝަނުން ހުށަހަޅައިދިން މަދަޙައަށެވެ. އަދި މުޅިމުބާރާތުން 1 ވަނަ ގުރޫޕަކަށްވެސް ހޮވިފައިވަނީ ކޯޕަރޭޓް އެފެއާޒު ސެކްޝަނެވެ. މުބާރާތުގެ ނިންމުމުގެ ރަސްމިއްޔާތުގައި ކައުންސިލްގެ ރައީސް ވާހަކަދައްކަވަމުން ވިދާޅުވެފައިވަނީ މިރޭގައި ދައްކުވައިދިން މަންޒަރުން ޤާނޫނާއި ޤަވާއިދާ ހެދިފައިވާ އުޞޫލުތަކުގެ ތެރެއިން އަޅުގަނޑުމެންގެ ސްޓާފުންނަށް ނުކުރެވޭނެ އެއްވެސް ކަމެއް ނެތްކަމަށް ކަށަވަރުވެއްޖެކަމަށެވެ.

ފ. ނިލަންދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީ އިސްނަގައިގެން ފ. ނިލަންދޫ ކައުންސިލާއި ގުޅިގެން ދުނިޔޭގެ ލިޔަންކިޔަން ދަތުމުގެ ދުވަސް ފާހަގަކުރުމުގެ ގޮތުންނާއި ތާނަ އަތުލިޔުން ރީތިކޮށް ލިޔުމަށް ބާރު އެޅުމުގެ ގޮތުން ފ. ނިލަންދޫ ކައުންސިލް މުވައްޒަފުންނަށް އަމާޒުކޮށްގެން 2024 ސެޕްޓެންބަރު 10 ވަނަ ދުވަހު ބޭއްވި އަތުލިޔުމުގެ މުބާރާތުގެ ނަތީޖާ ފާޅުކޮށްފިއެވެ.

މި މުބާރާތަކީ ދިވެހިބަހަށާއި ތާނަ އަކުރަށް ކައުންސިލް އިދާރާގެ މުވައްޒަފުންގެ ހިތުގައި އޮންނަ ލޯތްބާއި ޝައުޤުވެރިކަން އިތުރުކުރުމާށާއި، ތާނަ ރީތިކޮށް ލިޔާ ފަރާތްތަކުގެ އަގުވަޒަންކުރުމުގެ މަޤުޞަދުގައި ބޭއްވި މުބާރާތެކެވެ. މިމުބާރާތް ކުރިޔަށް ގެންގޮސްފައިވަނީ ދީފައިވާ ލިޔުމެއް ނަކަލު ކުރުމާއި، ޢަރަބި/ތާނަ ލަފުޒުތަކެއް ކިޔުމުން އެލަފުޒުތައް ނޯޓުކުރުމާއި އަދި ދިވެހިބަހުން ވާހަކަދައްކާ އޯޑިއޯ ވާހަކަކޮޅެއް އިއްވުމުން އިވެމުންދާވަރަކަށް ލިޔުން މިތިން ބައިގެ ހިމަނައިގެންނެވެ. ތަފާތު 3 ބައެއް ހިމަނައިގެން ކުރިޔަށް ގެންދިޔަ މިމުބާރާތުގައި ކައުންސިލް މެމްބަރުން ހިމެނޭގޮތަށް ޖުމުލަ 10 މީހުން ވަނީ ބައިވެރިވެފައެވެ. 2024 ސެޕްޓެންބަރު 20 ވަނަ ދުވަހު ކައުންސިލުން ކުރިޔަށްގެންދިޔަ ފާންކުރި މަދަޙަ މުބާރާތުގެ ނިންމުމުގެ ރަސްމިއްޔާތުގައި އަތުލިޔުމުގެ މުބާރާތުގެ އެކިއެކި ވަނަ ވަނަ އަށް އައި ފަރާތްތަކާއި އިނާމު ޙަވާލުކޮށްފައިވަނީ ކައުންސިލްގެ ރައީސް ޢަލީ އަޙްމަދު އަދި ކައުންސިލްގެ ނައިބްރައީސް އިބްރާހީމް މުޙައްމަދުއެވެ. މުބާރާތުގެ 3 ވަނަ ހޮވިފައިވަނީ ފ. މަގޫދޫ ފެންފިޔާޒުގޭ ޚަދީޖާ ފާއިޤާއެވެ. މުބާރާތުގެ 2 އަށް ހޮވިފައިވަނީ ފ. ނިލަންދޫ ދޫގަސް ސަމީރާ އިބްރާހީމްއެވެ. އަދި މުބާރާތުގެ 1 ވަނަ ޙާޞިލްކޮށްފައިވަނީ ފ. ނިލަންދޫ ރަތްފުސްގެ ޢަބްދުއްލަޠީފް އިބްރާހީމްއެވެ. މުޅި މުބާރާތުން އެންމެ ރީތި ލިޔުމެއް ހުށަހަޅާދިން ފަރާތަކަށް ހޮވިފައިވަނީ ފ. ނިލަންދޫ ދޫގަސް ސަމީރާ އިބްރާހީމްއެވެ.

ފ. ނިލަންދޫގެ ތާރީޚުގައި ޢުމުރުން އެންމެ ހަގު ޚަތީބެއްގެ ގޮތުގައި، 2024 ސެޕްޓެންބަރު 20 ވީ ހުކުރު ދުވަހު އެރަށު މަސްޖިދުލް ތަހާލުފީގައި އިމާމުވެ ހުކުރު ނަމާދު ކޮށްފައިވަނީ ފ. ނިލަންދޫ /  މިނާ، އަޝްކާން އަޙްމަދެވެ.

ސަރުކާރުން ޒުވާން ޚަތީބުން ތަމްރީނު ކުރުމަށް ހިންގި ޕްރޮގްރާމްގެ ދަށުން ތަމްރީނު ލިބިގެން ސަނަދު ޙާޞިލްކޮށްފައިވާ އަޝްކާން އަޙްމަދަކީ ފ. އަތޮޅު ތަޢުލީމީ މަރުކަޒުގެ ގްރޭޑް 7 ގައި ތަޢުލީމު ޙާޞިލްކުރަމުން ގެންދާ ދަރިވަރެކެވެ. އަޝްކާން އިމާމުވެ ހުކުރު ނަމާދު ކުރެއްވިއިރު އުމުރަކީ 13 އަހަރެވެ.

“ މިއީ ނިލަންދޫގެ ތާރީޚުގައިވެސް ވަރަށް މުހިންމު ދުވަހެއް. ޒުވާނުން ދީނީ ކަންކަމާއި މެދު އޮންނަ ލޯބި ފެނުނު ދުވަހެއް. އަޅުގަނޑުމެންގެ އަމާޒަކީ ޒުވާނުންނަށް ދީނީ ކަންކަމުގައި ބައިވެރިވުމުގެ ފުރުސަތު ފަހިކޮށްދިނުން. “ ފ. ނިލަންދޫ ކައުންސިލްގެ ރައީސް އަލީ އަޙްމަދު ވިދާޅުވިއެވެ.

އަޝްކާން އަޙްމަދު ހުކުރު ކުރުމާ ގުޅޭ ގޮތުން ވާހަކަ ދައްކަމުން ބުނީ މިއީ އޭނާގެ ހަޔާތުގައި ވަރަށް މުހިންމު ދުވަހެއް ކަމަށާއި، މިކަން ކާމިޔާބު ކުރުމަށް އަޅުގަނޑު ހިތްވަރާއެކު ވަރަށް ބުރަކޮށް މަސައްކަތް ކުރިކަމާ  އަދި މި ފުރުޞަތުގައި  މިކަމުގައި އެހީތެރިވެދެއްވި ހުރިހާ ފަރާތްތަކަށް ޝުކުރު ދަންނަވާކަމަށެވެ.

ފ. ނިލަންދޫ ކައުންސިލްގެ އިދާރީ އަންހެން މުވައްޒަފުން އަދި މިސްކިތު އަނެހެން މުވައްޒަފުންގެ ( ކައުންސިލްގެ ބެލުމުގެ ދަށުގައި ހިމެނޭ އެހެނިހެން އަންހެން މުވައްޒަފުން ހިމެނޭ ގޮތައް) މެދުގައި އެކުވެރިކަމުގެ މެޗެއް ބާއްވައިފިއެވެ. މި މެޗް ބާއްވައިފައިވަނީ 2024 ސެޕްޓެމްބަރު 16 ވީ ހޯމަ ދުވަހުގެ ހަވީރު ފ. ނިލަންދޫ ވޮލީ ކޯޓުގައެވެ. މި މެޗަކީ މިސްކިތު މުވައްޒަފުން އިސްނަގައިގެން  ކައުންސިލަށް އެދިފައިވާތީ މި މުވައްޒަފުންގެ އެދުމުގެ މަތިން ބޭއްވުނު އެކުވެރިކަމުގެ މެޗެކެވެ . މިފަދަ މެޗެއް ރޭވުމުގެ އެންމެ މުހިންމު އެއް ސަބަބަކީ މުވައްޒަފުންގެ މެދުގައި އެއްބައިވަންތަކަން އަށަގަނުވައި ކުޅިވަރުގެ ރޫޙް އާލާކުރުމަށެވެ.

މި މުބާރާތުގެ ޖާރސީ ހަވާލު ކުރުމަށް ބޭއްވުނު ރަސްމިއްޔާތުގައި ނިލަންދޫ ކައުންސިލްގެ ރައީސް އަލީ އަޙްމަދު މުވައްޒަފުންނަށް މުޚާތަބުކޮށް ވާހަކަ ދައްކަވަމުން ވިދާޅުވެފައިވަނީ މިފަދަ ފުރުސަތުތައް ފަހިކޮށްދިނުމަށްޓަކައި ކައުންސިލްގެ ފާރާތުން މުވައްޒަފުންނަށް ފުރިހަމަ އެބާރުލުން ލިބިގެންދާނެކަމާއި މިސްކިތު މުވައްޒަފުން ދެއްކި ނަމޫނާއަށް ތައުރީފު ކުރައްވާފައެވެ. މީގެ އިތުރުން އެހެން ސެކްޝަނަތަކުން މި ނަމޫނާ ބަލައިގަންނާނެކަމަށް އުއްމީދުކުރާކަމަށެެވެ.