Category: Uncategorized

ފ.ނިލަންދޫ ކައުންސިލަށް 5 ވަނަދައުރުގެ ފުރަމަ ޖަލްސާ ބާއްވާފައިވަނީ، 2026 މޭ 17 ވަނަ ދުވައެވެ. ފ.ނިލަންދޫ ކައުންސިލް ކޮންފަރެސް ހޯލުގައި ބޭއްވުނު މިޖަލްސާގައި، 05 ވަނަ ދައުރަށް ނައިބްރައީސް އެއް އައްޔަންކުރުމުގެ ސިއްރުވޯޓް ނަގާފައި ވެއެވެ. ކައުންސިލް ނައިބުރައީސްގެ މަޤާމަށް ކުރިމަތިލުމަށް ހުޅުވާލި ފުރުޞަތުގައި އެމަޤާމަށް ޝައުޤުވެރިކަން ފާޅުކޮށް ސިޓީ ހުށަހަޅާފައިވަނީ ކައުންސިލް މެމްބަރު ފ. ނިލަންދޫ ނަޒުމް މުޙައްމަދު ނަސީމްއާއި ކައުންސިލް މެމްބަރު ފ. ނިލަންދޫ ދަގަނޑުގޭ ނަޞީބާ ޢަލީއެވެ.

ކައުންސިލްގެ ނައިބުރައީސްގެ މަޤާމަށް މެމްބަރަކު ހޮވުމަށް ނެގި ސިއްރުވޯޓުން 03 ވޯޓް 02 ވޯޓްގެ އަގުލަބިއްޔަތުން ކައުންސިލްގެ 05 ވަނަ ދައުރުގެ ނައިބުރައީސްގެ ގޮތުގައި އިންތިޚާބުކުރީ ކައުންސިލް މެމްބަރު ފ. ނިލަންދޫ ނަޒުމް މުޙައްމަދު ނަސީމެވެ.

މީގެ އިތުރުން މި ޖަލްސާގައި، ކައުންސިލުގެ ނިމިދިޔަ ދައުރުގެ އިންތިގާލީ ހުލާސާ ބަޔާން އިއްވާފައިވާއިރު ކައުންސިލަރުންގެ ޕްރޮފައިލް ފޯމްތަށްވެސް ވަނީ ފުރިހަމަކޮށްފައެވެ.

ފ.ނިލަންދޫ ކައުންސިލަށް 5 ވަނަދައުރަށް އަލަށް އިންތިޚާބުވި، ކައުންސިލަރުންނާއި، އަންހެނުން ތަރައްޤީއަށް މަސައްކަތް ކުރާ ކޮމިޓީގެ މެމްބަރުން އިޤްރާރުގައި ސޮއިކުރުމުގެ ރަސްމިއްޔާތު ކުލަގަދަ ގޮތެއްގައި ފާހަގަކޮށްފިއެވެ.

ފ.އަތޮޅު ތަޢުލީމީ މަރުކަޒުގެ މަލްޓިޕާރޕަސް ހޯލުގައި، 2026 މޭ 17 ވަނަ ދުވަހުގައި ބޭއްވުނު މި ރަސްމިއްޔާތުގައި ދާއިރާތަކުގެ ވެރިންނާއި، މުވައްޒަފުންގެ އިތުރުން ގިނަ އަދަދެއްގެ ޢާންމު ރައްޔިތުން ބައިވެރިވެފައިވެއެވެ.

މިރަސްމިއްޔާތުގައި ކައުންސިލަށް އިންތިޚާބުވެވަޑައިގެންނެވި، ކައުންސިލަރުންނަށް ހުވާލާދެއްވީ، ފ.ނިލަންދޫ ކޯޓްގެ މެޖިސްޓްރޭޓް އަލްއުސްތާޛު ޢަބްދުލްޢަޒީޒް މޫސާއެވެ.

މިރަސްމިއްޔާތުގައި ކައުނސިލަރުންގެ އިތުރުން އ.ތ.މ.ކޮމެޓީގެ މެމްބަރުން އިޤްރާރުގައި ސޮއިކުރުންވެސް ކުރިއަށްދިޔައެވެ.

އެލް.ޖީ.އޭގެ ލަފާފުޅާއި އެއްގޮތަށް ކައުންސިލްގެ ސެކްރެޓަރީޖެނެރަލްގެ ބެލުމުގެ ދަށުން ބޭއްވުނު މިހަފްލާ މިހާ ފުރިހަމަކޮށް ނިންމާލެވިފައިވަނީ ކައުންސިލްގެ ހުރިހައި މުވައްޒަފުންގެ ވަރަށް ބުރަ މަސައްކަތުންނެވެ.

ފ. ނިލަންދޫ ހުޅަނގު އުތުރުފަރާތުން މިފްކޯ އައިސްޕްލާންޓުގެ އުތުރުން މިހާރުން ބޭނުން މޫދަށް އެރުމަށް ބޭނުން ކުރަމުންފާ ސަރަހައްދުގެ ބަދަލުގައި މަސްމާރުކޭޓު ސަރަހައްދުގައި މޫދަށް އެރޭ ސަރަހައްދެއް ކައުންސިލްގެ ފަރާތުން ތައްޔާރުކޮށްފިއެވެ. މިބަދަލުގެނައީ ކުރިން މޫދަށް އެރެން ތައްޔާރުކޮށްފައި އޮތް ސަރަހައްދުގައި ސަރުންކާރުން ފ. ނިލަންދޫގައި ޤާއިމް ކުރުމަށް ނިންމާފައިވާ ދަޅުމަސް ބަންދުކުރާ ކާރުހާނާގެ މަސައްކަތް ފެށުމާއި ގުޅިގެން އެ ސަރަހައްދު އެއްކޮށް ބަންދުކުރުމާއި ގުޅިގެންނެވެ.

ފ. ނިލަންދޫއަކީ އަބަދުވެސް ރާއްޖޭގެ އެކި ހިސާބުތަކުން ދިވެހި ބޭސް ކުރުމަށް ވަރަށް ގިނަ މީހުން އަންނަ ރަށެކެވެ. ބޭސްކުރުމަށް އަންނަ ފަރާތްތަކަށް އެމީހުންގެ ފަރުވާއަށް މޫދަށް އެރުމަށް ވަކިން ހާއްސަކޮށް ރަށުގެ ކުޑަކުދިންނަށާއި ދުވަސްވީ މީހުންނަށް ފަސޭހައިން މޫދަށް އެރެވޭނެ ސަލާމަތްތެރިކަން ސަރަހައްދެއް ބޭއްވުމަކީ ކައުންސިލުން ވަރަށް ބޮޑު އަހައްމިއްޔަތު ކަމެއްދޭކަމެކެވެ.

ފ. ނިލަންދޫ ކައުންސިލްގެ ފަރާތުން ބީއެމްއެލް އެޓޯލް ޗެމްޕިއަންޝިޕްގައި ކުޅޭ ފ. ނިލަންދޫ ފުޓުބޯޅަ ޓީމާއި ބައްދަލުކޮށްފިއެވެ. 2026ވަނަ އަހަރު އޭޕްރިލް 14 ވީ އަންގާރަ ދުވަހު މެންދުރުފަހު ކައުންސިލްގެ ޖަލްސާ ކުރާ މާލުމުގައި ކުރިއަށްދިޔަ މި ބައްދަލުވުމުގައި ކައުންސިލްގެ ރައީސް ވަނީ ޓީމްއަށް ހިތްވަރުދީ މުބާރާތުގައި ރަނގަޅު ނަތީޖާއެއް ހޯދައި ރަށަށް ރީތި ނަން ހޯދައިދިނުމަށް އެދިފައެވެ. އަދި ހުރިހާ ކުޅުންތެރިންވެސް ރަށުން ބޭރުގައި ރަށް ތަމްސީލުކުރާއިރު ކުޅިވަރުގެ ރޫހާއި އެއްގޮތައް އެހެން ޓީމްތަކަށް ނަމޫނާ ޓީމެއްގެ ގޮތުގައި މަސައްކަތްކުރުމަށް އެދިފައެވެ.

މިބައްދަލުވުން ކުރިއަށް ދިޔައީ ކައުންސިލްގެ މުވައްޒަފުންގެ ފަރާތުން ޓީމުގެ ކުޅުންތެރިންނާއި އޮފިޝަލުންނަށް ދެއްވި މެންދުރުގެ ފަރިއްކޮޅަކާއި އެކީގައެވެ.

މިއަހަރުގެ ރަމަޟާން މަހުގެ 02 ވަނަ ދީނީ ދަރުސް މިދިޔަ ހުކުރު ދުވަހު އަޞްރު ނަމާދަށްފަހު ފ. ނިލަންދޫ ތަޙާލުފި މިސްކިތުގައި ކުރިއަށް ގެންގޮއްސިއެވެ. މިފަހަރުގެ ދަރުހުގެ މައުލޫޢު އަކީ ނަފްސް އިޞްލާޙުކުރުމެވެ. ދަރުސް ދެއްވީ އައްޝައިހް އަޙްމަދު ނިޔާޒު ޙަސަން އެވެ.

ކޮންމެ އަހަރަކުވެސް ރަމަޟާންމަހާ ގުޅިގެން ނިލަންދޫގެ ރައްޔިތުންނަށް އަމާޒުކޮށްގެން ރައްޔިތުންގެ ހިތްތަކުގައި ދީނީ ރޫޙު އަށަގެންނެވުމާއި ދީނީ ކަންކަންކަމަށް ލޯބިޖެއްސެވުމަށް ތަފާތު ޕްރޮގްރާމްތައް ކައުންސިލުން ހިންގައެވެ.

އިސްލާމިކް މިނިސްޓްރީގެ ސްޓޭޓް މިނިސްޓަރ ޑރ. މުސާ އަންވަރު ފ.ނިލަންދޫ ތާޙާލުފި މިސްކިތުގައި ހުކުރު ދުވަހު އަޞްރު ނަމާދަށްފަހު ދަރުހެއް ކުރިއަށް ގެންގޮއްސިއެވެ. ފ. ނިލަންދޫގެ ގިނަ ރައްޔިތުންތަކެއް ބައިވެރިވި މި ދަރުހުގައި މައިގަނޑު ގޮތެއްގައި ދަރުސްދެއްވީ ނަމާދުގެ މުހިންމުކަމާއި ގުޅޭގޮތުންނެވެ.

މިއަހަރުގެ ރަމަޟާންމަހު ކައުންސލްގެ ފަރާތުން އިސްނަގައިގެން މިނިސްޓްރީ އޮފް އިސްލާމިކް އެފެއާޒް އާއި ގުޅިގެން އިތުރު 03 ދަރުހެއެއް ކުރިއަށް ގެންދިއުމަށްވަނީ ހަމަ ޖެހިފައެވެ.

ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމާބެހޭ ޤާނޫނު ނަންބަރު 2010/7 ގެ  105 ވަނަ މާއްދާގެ (ހ) ގައި ބަޔާންކޮށްފައިވާ ގޮތުގެ މަތީން ވަނަ އަހަރު ނިލަންދެއަތޮޅު އުތުރުބުރީ ނިލަންދޫ ކައުންސިލްގެ އިދާރާއިން ހިންގި ޙަރަކާތްތަކުގެ ތަފްޞީލީ ރިޕޯޓާއި މާލީ ބަޔާން ރައްޔިންނާއި ހިއްސާކުރުމަށް ނިލަންދޫ ކައުންސިލުން ރައްޔިތުންގެ ބައްދަލުވުމެއް ކުރިއަށް ގެންގޮއްސިއެވެ. ފެބްރުއަރީ 08 ވީ އާދީއްތަ ދުވަހުގެ ރޭ 08:30 ފ.އަތޮޅު ހޮސްޕިޓަލުގެ ހޯލުގައި ކުރިއަށް ދިޔަ މިބައްދަލުވުމުގައި 2025 ވަނަ އަހަރުގައި ކައުންސިލުން ހިންގާފައިވާ ހަރާކާތްތަކުގެ ރިޕޯޓް އަދި މާލީ ބަޔާން ހިއްސާކުރުމުގެ އިތުރުން  ރައްޔިތުންގެ ހިޔާލާއި ކަންބޮޑުވުނަތަކާއި ސުވާލުތަށް ހިއްސާކުރުމަށް ރައްޔިތުންނަށްވަނީ ފުރުސަތުދީފައެވެ. އަދި ރައްޔިތުންގެ ސުވާލުތަކަށް ކައުންސިލްގެ ފަރާތުންވަނީ ޖަވާބުދާރީވެފައެވެ.

ފެބްރުއަރީ 5 ވީ ބުރާސްފަތި ދުވަހުގެ ރޭ ގޮމަވަތީގައި ކުރިއަށް ދިޔަ މި ހަފްލާގައި މުބާރާތުގައި ވާދަކުރާ 15 ބައިވެރިނާއި ގޯލްޑަން ޓިކެޓު ހަވާކުރުމުގެ އިތުރުން މުބާރާތުގައި ފަނޑިޔާރުކަން ކުރަން ހަމަޖައްސާފައިވާ ފަރާތްތަކާއި، ބައިވަރިންނަށް ޓްރެއިންގްތައް ދިނުމަށް ޓްރެއިނަރުންގެ ގޮތުގައި މަސައްކަތް ކުރަން ހަމަޖެހިފައިވާ ފަރާތްތަކާއި، މުބާރާތް ހޯސްޓް ކުރަން ހަމަ ޖައްސާފައިވާ ފަރާތުގެ އިތުރުން މުބާރާތުގެ މީޑިޔާ ޕާޓްނަރެއްގެ ގޮތުގައި މަސައްކަތް ކުރަން ހަމަޖައްސާފައި ފަރާތާއިއެކު ކައުންސިލުންވަނީ އެއްބަސްވުންތަކުގައި ސޮއި ކުރުން ކުރިއަށް ގެންގޮއްސައެވެ.

މިއަހަރުގެ މުބާރާތުގެ ފަޑިޔާރުންގެ ގޮތުގައި މަސައްކަތް ކުރަން ހަމެޖެހިފައިވާ ފަރާތްތަކަކީ

1. މުޙައްމަދު އިސްމާޢީލް / ގްރީންހެވަން
2. ޢަބްދުލްޤާދިރު މޫސާ / ބަހާރުގެ
3. އިސްމާޢީލް ޢުމަރު / ހަނދުވަރީވިލާ އަދި
4. ޢަބްދުއްލަތީފު މުޙައްމަދު/ މުޝްތަރީގެ

މިއަހަރުގެ މުބާރާތުގައި ބައިވެރިންނަށް ބޭނުންވާ ޓްރެއިންގ ދިނުމަށް ޓްރެއިނަރުގެން ގޮތުގައި މަސައްކަތްކުރަން ހަމަޖެހިފައިވާ ފަރާތްތަކަކީ

1. ޢަބްދުލްމަޖީދު މުޙައްމަދު / ފޭރުމާގެ
2. ޢަބްދުﷲ އަޙްމަދު / ޖަވާހިރުމާގެ
3. އާމިނަތު އިސްމާޢީލް / ފަތިސް

މިއަހަރުގެ މުބާރާތްވެސް ހޯސްޓްކޮށްދިނުމަށް ހަމަޖެހިފައިވަނީ މީގެ ކުރިން މުބާރާތްތައްވެސް ހޯސްޓްކޮށްދީފައިވައިވާ މި އިދާރާގެ ކުރީގެ ސެކެޓްރީ ޖެނެރަލް ފ. ނިލަންދޫ، އައްސޭރި ، އަޙްމަދު އަރީފުއެވެ.

މުބާރާތުގެ މީޑިއާ ޕާޓްނަރަކީ ފ. ނިލަންދޫ ހަވޭލި ސްޓޫޑިއޯއެވެ.

މިހަފްލާ ޝަރަފުވެރިކޮށްދެއްވީ ރެހެންދި ސުކޫލުގެ ޤުރުއާން ލީޑިންގ ޓީޗަރު ފ. ނިލަންދޫ ބިއްދޮށުގޭ ޞަފިއްޔާ އަޙްމަދެވެ.

މިދިޔަ ހޮނިހިރު ދުވަހު ހެނދުނު ކުރިއަށްދިޔަ މި އޯޑިޝަނުގައި ޖުމްލަ 16 ފަރާތަކުން ބައިވެރިވިއެވެ. އޯޑިޝަނުގައި ފަނޑިޔާރުންގެ ގޮތުގައި ބައިވެރިވީ މިއަހަރުގެ ނިލަންދޫ ތަރި ޤުރުއާން މުބާރާތުގައި ވެސް ފަނޑިޔާރުކަން ކުރަން ހަމަ ޖެހިފައިވާ

• އަލްޤާރީ މުޙައްމަދު އިސްމާއީލް / ގްރީންހެވަން
• އަލްޤާރީ ޢަބްދުލްޤާދިރު މޫސާ / ބަހާރުގެ
• އަލްއުސްތާޛު އިސްމާޢީލް ޢުމަރު / ހަނދުވަރީވިލާ އަދި
• އަލްޤާރީ ޢަބްދުއްލަޠީފް މުޙައްމަދު / މުޝްތަރީގެއެވެ.

މި މުބާރާތުގައި ވާދަކުރާނެ 15 ބައިވެރިން އިޢުލާން ކުމުގެ ހަފްލާ އޮންނާނީ 05 ފެބްރުއަރީ 2026 ވާ ބުރާސްފަތި ދުވަހުގެ ރޭ ގޮމަވަތ ހޯލު ގައެވެ.

މިއަހަރުގެ މުބާރާތުގައި ބައިވެރިވުމަށް 21 ފަރާތަކުން ފޯމް ހުށައެޅުނަމަވެސް އެކިއެކި ސަބަބުތަކާއި ހުރެ މި އަހަރުގެ އޯޑިޝަނުގައި ބައިވެރިވީ 16 ފަރާތަކުންނެވެ. ނިލަންދޫ ތަރި ޤުރުއާން މުބާރާތަކީ ނިލަންދޫ ކައުންސިލުން ވަރަށްބޮޑު އަހައްމިއްޔަތުކަމެއް ދީގެން ކޮންމެ އަހަރަކުވެސް ރަމަޟާންމަހުގައި ބާއްވަމުން އަންނަ މުބާރާތެކެވެ.

ތަދުރީސުލްޤުރުއާން، ފ. ނިލަންދޫ އާއި މިކައުންސިލާއި ގުޅިގެން ނިލަންދޫގެ ޚަޠީބުންނަށް ރިފްރެޝަރ ޕްރޮގްރާމެއް ކުރިއަށް ގެންގޮއްސިއެވެ. މި ޕްރޮގްރާމް ކުރިއަށްދިޔައީ 17 ޖަނަވަރީ 2025 ވަނަ ދުވަހުގެ ރޭ ފ. ނިލަންދޫ ކައުންސިލް ކޮންފަރެންސް ހޯލުގައެވެ. މި ޕްރޮގަރާމް ބައިވެރިންނަށް މަޢުލޫމާތު ދެއްވީ އަލްޤާރީ ޙުސައިން ތަޢުފީޤު ޢަބްދުއްރަޙްމާނެވެ.

މި ޕްރޮގުރާމުގައި މައިގަނޑު ގޮތެއްގައި ސޫރަތުލް ފާތިޙާ ކިޔެވުމުގައި އާންމުގޮތެއްގައި މިސްކިތްތަކުގައި އިމާމުވެ ނަމާދު ކުރައްވާ މުދިމުން ސަމާލުކަންދޭންވީ ކަންކަމާއި ރަނގަޅު ކުރަންޖެހޭ ކަންތައްތަކާއި ބެހޭ ގޮތުން ޙުސައިން ތަޢުފީޤު މަޢުލޫމާތު ދެއްވިއެވެ. އަދި އާންމު ގޮތެއްގައި މުދިމުން ކިޔެވުމުގައި ހެދޭ ގޯސްތައް ފާހަގަކޮށް އެކަންކަން ރަނގަޅުކުރާނޭގޮތްތައް ބައިވެރިންނަށް ބުނެދެއްވިއެވެ.

ނިލަންދޫގެ ޚަތީބުންގެ ތެރެއިން 12 ފަރާތެއް މި ޕްރޮގްރާމުގައި ބައިވެރިވިއެވެ.