Category: Uncategorized

މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސް އާއި، މޯލްޑްވްސް ފިޝަރީޒް އެންޑް އޯޝަން ރިސޯސަސް މާކެޓިންގް އެންޑް ޕްރޮމޯޝަން ކޯޕަރޭޝަން ގުޅިގެން ރާއްޖޭގެ ބައެއް މަސްވެރި ރަށްރަށުގައި ހިންގުމަށް ރޭވިފައިވާ “ މާކެޓިންގް އަދި ބްރޭންޑިންގް “ 2025 ނޮވެންބަރު 14 ން 15 ގެ ނިޔަލަށް ފ.ނިލަންދޫގައި ކުރިއަށް ގެންގޮސްފިއެވެ.

މަހުން އެކި ބާވަތްތަށް ތައްޔާރުކޮށް ވިޔަފާރިކުރާ ފަރާތްތަކަށް އަމާޒުކޮށްގެން ކުރިއަށް ގެންދިޔަ މިތަމްރީނު ޕްރޮގްރާމްގެ މައިގަނޑު މަޤްޞަދަކީ އުފެއްދުންތެރިންނަށް މާކެޓިންގް އާއި ވިޔަފާރީގެ ރޮނގުން މިހާރު އެފަރާތްތަކަށް މަދުވެފައިވާ ހުނަރުތަށް ދަސްކޮށްދިނުމާއި، އެފަރާތްތަކުގެ އުފެއްދުންތަށް މާކެޓަށް ނެރުމުގައި ބްރޭންޑްކޮށް، އެންމެ ފައިދާ ހުރި ގޮތުގައި ބޭނުންކުރާނެގޮތް ދަސްކޮށް ދިނުމެވެ.

ރާއްޖޭގެ ކުނި މެނޭޖްކުރުމުގެ ދާއިރާ ހަރުދަނާކޮށް ތަރައްގީ ކުރުމަށްޓަކައި ފަތުރުވެރިކަމާއި ތިމާވެށްޓާ ބެހޭ ވުޒާރާއިން ދަނީ

ގިނަ މަސައްކަތްތަކެއް ކުރަމުންނެވެ. މިގޮތުން ރަނގަޅު ގޮތުގައި ކުނި މެނޭޖުކުރުމާއި އެމަސައްކަތް ކުރާނެ ގޮތާއި އަދި އެހެނިހެން ކުނި މެނޭޖުކުރުމާއި ގުޅޭ މައްސަލަތަކާއި ގުޅޭގޮތުން ޤައުމީ ފެންވަރުގައި މަޝްވަރާކުރުމަށްޓަކައި ވަރލްޑް ބޭންކްގެ ހިލޭ އެހީގައި މިނިސްޓްރީން

ހިންގަމުންދާ މޯލްޑިވްސް ކްލީން އެންވަޔަރަންމަންޓް ޕްރޮޖެކްޓް ގެ ދަށުން ލ.ގަމުގައި 2025 ގެ ނޮވެމްބަރު 24 އިން 26 އަށް ބޭއްވުނު ”މަގޭ ސާފުރާއްޖެ ޤައުމީ މަހާސިންތާ 2025“  ގައި މިކައުންސިލްގެ ކައުންސިލް އޮފިސަރ ސީމާ އިބްރާހިމް ބައިވެރި ވެއްޖެއެވެ.

މި މަހާސިންތާގައި ކުނިމެނޭޖްކުރުމުގެ ޤާނޫނީ އޮނިގަނޑަށް ބައިވެރިން އަހުލުވެރިކުރުމާއި، ކުންޏާއި ވަޞީލަތްތަށް މެނޭޖްކުރުމުގެ މާސްޓަރ ޕަލޭން ބައިވެރިންނާއި ޙިއްސާކުރުމާއި، ކުންޏާއި ވަޞީލަތްތަށް މެނޭޖްކުރުމުގައި ދިމާވާ ގޮންޖެހުންތަށް ދެނެގަނެ ގެނެވިދާނެ ޙައްލުތަކާއި ގުޅޭ ގޮތުން މަޝްވަރާކުރެވިފައިވެއެވެ.

ކުނިމެނޭޖު ކުރުމުގެ މަސައްކަތަކީ މިކައުންސިލުން ވަރަށް އިސްކަމެއްދީގެން، މީގައި ގިން މުވައްޒަފުންތަކެއް ޝާމިލް ކުރުވައިގެން ކުރުވާ މުޙިއްމު ބުރަ މަސައްކަތެކެވެ.

ޚާއްސަ އެހީއަށް ބޭނުންވާ، ވަޒީފާ އަދާކުރަން ޝައުގުވެރިވާ ފަރާތްތަކަށް، ދައުލަތުގެ ތެރެއިން ވަޒީފާ ޔަގީންކޮށް ދިނުމަކީ ރައީސުލްޖުމްހޫރިއްޔާގެ ޑޮކްޓަރ މުޙައްމަދު މުޢިއްޒުގެ ވަރަށް މުޙިއްމު ވަޢުދުފުޅެކެވެ.

މިގޮތުން ފ. ނިލަންދޫ ކައުންސިލް އިދާރާގެ ކައުންސިލް އެސިސްޓެންޓަކަށް ފ.ނިލަންދޫ ބުލްބުލާގޭ ޙަލީމާ ޢަބްދުއްރަޙްމާނު މި ކައުންސިލުންވަނީ 26 ނޮވެންބަރު 2025ވަނަ ދުވަހު ހަމަޖައްސާފައެވެ.

މުޖްތަމައުގެ ހަވާސާވެފައިވާ މީހުންނާއި ނުކުޅެދުންތެރިކަން ހުންނަ ފަރާއްތަކަށް މުޖްތަމައުގައި އެހެން މީހުންނެކޭ އެއްފަދައިން އުޅުމުގެ ފުރުޞަތު ފަހިކޮށްދިނުމަށް އަދުގެ ސަރުކާރުން ދަނީ ގިނަ މަސައްކަތްތަކެއް ކުރަމުންނެއެވެ.

މި ކައުންސިލްއަކީ ކުރިންވެސް ރަށުގައި ތިބި ޚާއްސަ އެހީއަށް ބޭނުންވާ ކުދިންނަށް އަމާޒުކޮށް ވަޒީފާތައް އުފައްދައި ވަޒީފާ ދީފައިވާ ކައުންސިލެކެވެ. މި ގޮތުން މިހާރުވެސް ޚާއްސަ އެހީއަށް ބޭނުންވާ 03 ފަރާތެއް މި ކައުންސިލްގެ ވޭސްޓް ޑިޕާޓްމެންޓްގައި މަސައްކަތް ކުރަމުންދެއެވެ.

ގިނަދުވަސްވީ އާސާރީ ތަނެއްގެގޮތުގައި މިހާރުވެސް ހިމާޔަތްކޮށްފައި އޮންނަ ފ.ނިލަންދޫ ވެވު އިތުރަށް ތަރައްޤީ ކުރުމަށް ފ.ނިލަންދޫ ކައުންސިލުން، ފ.ނިލަންދޫ ޑޭލައިޓްކުލަބާއި ޙަވާލުކޮށްފިއެވެ. މިމަސައްކަތް ޙަވާލުކުރުމުގެ އެއްބަސްވުމުގައި ސޮއިކޮށްފައިވަނީ 2025 ނޮވެންބަރު 26 ވަނަ ދުވަހު ފ.ނިލަންދު ކައުންސިލް އިދާރާގައެވެ.

މިމަޝްރޫޢުގެ މަޤްޞަދަކީ މޫސުމީ ރައްކާތެރިކަން ލިބޭ، އަދި މިސްކިތުގެ ތާރީޚީ ސިފަ ދަމަހައްޓާ ޒާމާނީ ފުރާޅެއް ލައި ވެވު ހިޔާކުރުމެވެ.

2025 ވަނައަހަރު ނިމުމުކުރިން ނިންމުމަށް ޙަވާލުކޮށްފައިވާ މިމަސައްކަތަކީ ޘަޤާފީ ތަރިކަ ދިރުވާ ޢާލާކުރުމަށް ކައުންސިލުން އިސްކަންދޭ މިނަވަރު ފެނިގެންދާ މަސައްކަތެކެވެ. އަދި މިކުމގެ ސަބަބުން މުޅިރަށަށް އެތަކެއް މަންފާއެއް ލިބޭދޭނެކަމެއް ވެސްމެއެވެ.

2025 ވަނައަހަރު ސިވިލް ސާރވިސް ޓްރެއިނިނގް އިންސްޓިޓިއުޓް އިން 2025 ސެޕްޓެންބަރ 28 ން 2025 އޮކްޓޫބަރު 02 ވަނަދުވަހުގެ ނިޔަލަށް ކުރިއަށް ގެންދިޔުމަށް ކަނޑައަޅައިފައިވާ “ އަޕްސްކިލިންގް ހިއުމަން ރިސޯސަސް: އެޗް.އާރު ޕްރޮފެޝަނަލްސް އެންޑް އިންޑަކްޝަން މެންޓަރ “ ޓްރެއިނިންގް ގައި މިކައުންސިލްގެ ސީނިއަރ ކައުންސިލް އޮފިސަރ ވަޖީޙާ ޢަބްދުއްނާޞިރު ބައިވެރިވެއްޖެއެވެ.

މި ޓްރެއިނިންގް ގައި ސިވިލް ސާރވިސް މުވައްޒަފުންގެ ޤާނޫނާއި ، ޤަވައިދުތަކަށް އަހުލުވެރި ކުރުމާއި، މުވައްޒަފުންގެ ޕާރފޯމަންސް އެޕްރައިސަލް ފުރުމުގެ މުޙިންމުކަމާއި ގުޅޭ ގޮތުން އަދި 2025 ނޮވެންބަރ 01 ވަނަ ދުވަހުން ފެށިގެން އަމަލި ކުރުމަށް ހަމަޖެހިފައިވާ “ ދައުލަތުގެ ޕޭ ފްރޭމް ވާރކް “ އާއި ބެހޭ މަޢުލޫމާތު ވަނީ ދެއްވާފައެވެ.

މިޓްރެއިނިނގް ގައި ފިނޭންސް މިނިސްޓްރީގެ ޕޭކޮމިޝަން އަދި އެލް.ޖީ.އޭގެ ގެ ފަރާތުންވެސް ވަނީ ސެޝަންތަކެއް ނަގާދީފައެވެ.

ޠަވައްކަލްތު ޙައްޖު އެންޑް އުމްރަ ގްރޫޕްގެ ފަރާތުން 2025 އޮކްޓޫބަރު 10 ގައި ނިލަންދޫއަށް ވަޑައިގެން، ނިލަންދޫ ކައުންސިލާ ބައްދަލުކޮށްފިއެވެ. މިބައްދަލުކުރެއްވުން އޮތީ 2025 އޮކްޓޫބަރު 10 ވަނަ ދުވަހުގެ ހެނދުނު 09:00 ގައި ނިލަންދޫ ކައުންސިލްގެ ޖަލްސާކުރާ މާލަމްގައެވެ. މިބައްދަލުވުމުގައި، މި ގްރޫޕުގެ ފަރާތުން ދޭ ޚިދުމަތް ތަކާބޭހޭ މަޢުލޫމާތު ނިލަންދޫ ކައުންސިލާވަނީ ޙިއްސާ ކޮށްފައެވެ. އަދި ކުރިއަށްއޮތް ތާނގައި ދީނީ އެކި އެކި ޕްރޮގްރާމްތަށް ހިންގުމަށް ކައުންސިލަށް އެކި ގޮތްގޮތުން އެހީ ތެރިވެދެއްވާނެކަމުގެ ވަރަށް ބޮޑު ޔަޤީން ކަމެއް ޠަވައްކަލްތު ޙައްޖު އެންޑް އުމްރަ ގްރޫޕްގެ ފަރާތުން ވަނީ ދެއްވާފައެވެ. ވަކިން ޚާއްސަކޮށް ކުރިއަށް އޮތް 1447 ވަނަ އަހަރުގެ ނިލަންދޫ ތަރި ޤްރުޢާން މުބާރާތުގެ 01 ވަނަ އަށް އުމްރާ ދަތުރެއް ދެއްވާނެކަމަށް މި ގުރޫޕުގެ ފަރާތުން އައްޝައިޚް އަޙްމަދު ޢަބްދުލް ކަރީމް ވަނީ ވިދާޅުވެފައެވެ. ނިލަންދޫ ތަރި ޤްރުޢާން މުބާރާތަކީ ނިލަންދޫ ކައުންސިލްގެ 04 ވަނަ ދައުރުގެ ކައުންސިލުން އެންމެ އިސްކަމެއް އަދި މުޙިންމުކަމެއް ދީގެން ކުރިއަށް ގެންދާ ހަރަކާތެވެ. އަހަރަކަށްވެރެ އަހަރެއް ފެންވަރު ރަނގަޅަށް ކުރިއަށް ގެންދާ މި މުބާރަތުގެ ފަޚްރުވެރި ނިލަންދޫ ތަރިއަށް މިފަދަ އަގުހުރި އިނާމެއް ހުށަހެޅުމަކީ މުބާރާތުގެ ފެންވަރު އިތުރަށް ފުރިހަމަވާނެ ކަމެއް ކަމުގައި ކައުންސިލުން ފާހަގަ ކުރިއެވެ. މީގެ އިތުރުން މި ގްރޫޕުގެ ފަރާތުން ނިލަންދޫއިން އުމްރާގެ އަޅުކަމަށް ދާ ފަރާތްތަކަށް ޚާއްސަ ޑިސްކައުންޓް ރޭޓުތަކެއް ހެދުމުގެ ވިސްނުން ގްރޫޕުގެ ފަރާތުން ގެންގުޅޭކަމީ، މިކަމުގެ ސަބަބުން ޢާންމު ރައްޔިތުންނަށް ލުއިތަކެއް ލިބިގެންދާނެ އަދި މިކައުންސިލުން މަރުޙަބާ ކިޔާ ކަމެއްކަމުގައި ކައުންސިލްގެ ރައީސް އަލީ އަޙްމަދު ފާހަގަކުރެއްވިއެވެ.

2025 އޮކްޓޫބަރު 09 ވަނަ ދުވަހުގެ އިޝާ ނަމާދަށްފަހުގައި ފ.ނިލަންދޫ ތަހާލުފި މިސްކިތުގައި ދީނީ ދަރުސް ޕްރޮގްރަމެއްވަނީ ކުރިޔަށް ގެންދެވިފައެވެ. މި ދަރުސް ދެއްވާފައިވަނީ އައްޝައިޚް އަޙްމަދު ޢަބްދުލްކަރީމެވެ. އަދި  ދަރުސް ދެއްވާފައިވަނީ ”މަރުގެ ހަޤީގަތް“ މި މައުޟޫއަށެވެ.

މިފަދަ ޕްރޮގަރާމްތަށް ކުރިޔަށް ގެންދިޔުމަކީ ނިލަންދޫ ކައުންސިލުން ވަރަށް އިސްކަމެއް ދީގެން ކުރަމުންގެންދާ ކަމެކެވެ. އެގޮތުން މިފަދަ ޕްރޮގްރާމްތަށް ހިންގުމުގެ މައިގަނޑު މަޤަސަދަކީ އާއްމުންގެ މެދުގައި ދީނީ ހޭލުންތެރިކަން އިތުރުކުރުމާއި ދިނާއި މެދު ރައްޔިތުންގެ ހިތްތަކުގައި ލޯބި އުފެއްދުމާއި އަދި ހަމަ އެހެންމެ ދީނީ ސައްޙަ މައުލޫމަތު ފޯރުކޮއްދިނުމެވެ.  ކުރިޔަށް އޮތްތާގައިވެސް މިފަދަ ޕްރޮގްރާމްތަށް ކުރިޔަށް ގެންދިޔުމަށްވަނީ ހަމަޖެހިފައެވެ.

ދިވެހިރާއްޖޭގެ ރައީސުލްޖުމްޙޫރިއްޔާ ޑރ. މުޙައްމަދު މުޢިއްޒު ސެޕްޓެންބަރ މަހު 20 ވަނަ ދުވަހު ފ.ނިލަންދޫ އަށް ކުރި ދަތުރުގައި 30 މަސްދުވަސްތެރޭގައި ފ.ނިލަންދޫ އެއަރޕޯތްގެ މަސައްކަތް ނިންމުމަށް ވަނީ މޯލްޑްވްސް އެއާރޕޯޓް ކޮމްޕެނީއާއި ޙަވާލުކޮށްފައެވެ. އެހެންކަމުން އެއާރޕޯޓްގެ މަސައްކަތް ކުރިއަށް ގޮސްފައިވާ މިންވަރު ބެލުމަށް އެ ކޮމްޕެނީގެ ޓީމް ފ. ނިލަންދުއަށް ޒިޔާރަތްކޮށްފައިވަނީ 2025 އޮކްޓޫބަރު 08 ވަނަދުވަހުއެވެ. ޓީމްގެ ފަރާތުން މަޢުލޫމާތު ލިބުނުގޮތުގައި މިދަތުރުގައި، މިހާރު އެމްޓީސީސީ އާއި ޙަވާލުކޮށްފައިވާ ބިންހިއްކުމުގެ މަޝްރޫޢު ކުރިއަށްގޮސްފައިވާ ހިސާބާއި، ބިންހިއްކަމުންދަނީ ރަނގަޅު މިސްރާބައްކަން ކަށަވަރުކުރުމުގެ އިތުރުން ރިވެޓްމެންޓް ޖެހުމުގެ މަސައްކަތް ބަލާފައިވެއެވެ.

ފ.ނިލަންދޫގެ އެއާރޕޯޓަކީ، ނިލަންދޫ ރައްޔިތުން އެތަށް އައުމީދެއް ކުރަމުންއަންނަ މުޙިންމު މަސައްކަތެކެވެ. ރައްޔިތުންގެ އުންމީދަކީ އަވަސް މުއްދަތެއްގައި މަސައްކަތްނިމި ޚިދުމަތްލިބެންފެށުމެވެ.

ސަރުކާރުގެ މެނިފެސްޓޯގައި ހިމެނޭ މުހިއްމު ރިޔާސީ ވައުދެއްކަމުގައިވާ ފަސް މިލިޔަން ގަސްއިންދުމުގެ ޕްރޮގްރާމުގެ ދަށުން، މިރަށުގެ ހިއްކި ސަރަހައްދުގައި ގަސް އިންދުމަށް ބޭނުންވާ ގަސް މުޑުވައް ކުރުމުގެ މަސައްކަތް، 2025 އޮކްޓޫބަރ 07 ވީ އަންގާރަ ދުވަހު ނިލަންދޫ ކައުންސިލްގެ މުވައްޒަފުން ވަނީ ކޮށްފައެވެ.

އެގޮތުން، 132 ގަސް ވަނީ މުޑުވަށްކޮށްފައެވެ. މުޑުވައް ކުރި ގަސްތަކުގެ ތެރޭގައި މޫނިމާ ގަސް، މަދޮށިގަސް ފަދަ ބާވަތްތައް ހިމެނެއެވެ.

ރާއްޖޭގެ ނާޒުކު ތިމާވެށީގެ ނިޒާމުތައް ހިމާޔަތްކުރުމަށާއި، މޫސުމަށް އަންނަ ބަދަލުތަކުގެ ސަބަބުން މިހާރުގެ ޖީލުތަކާއި، އަންނަން އޮތް ޖީލުތަކުގެ ލާބައާއި މަންފާއަށްޓަކައި މޫސުމަށް އަންނަ ބަދަލުތަކުންކުރާ ނޭދެވޭ އަސަރުތަކުން އަރައިގަތުމަށް ސަރުކާރުން ކުރަމުން ގެންދާ މަސައްކަތްތައް ކަމަށެވެ.

އެހެންކަމުން ކުރިއަށް އޮތްތަނުގައި ރަށުގެ އެކި ސަރަހައްދުތަކުގައި އެކި ބާވަތުގެ ގަސް އިންދުމަށް ވަނީ ނިންމާފައެވެ.

5 އޮކްޓޯބަރ 2025ވަނަ ދުވަހު ފ.ނިލަންދޫ ގޮމަވަތި ހޯލުގައި ފާހަގަކުރި މި ހަރަކާތުގައި، ކައުންސިލްގެ ފަރާތުން ސުކޫލުގެ މުދައްރިސުންނަށާއި އެހެނިހެން މުވައްޒަފުންނަށް ކުޑަ ހަދިޔާއަކާއި އެއްކޮން މެންދުރުގު ފަރިއްކޮޅެއް ދީފައެވެ.

ޓީޗަރުންނާއި  މުޙާތަބުކޮށް ކައުންސިލްގެ ރައީސް، ޢަލީ އަޙްމަދު، ވަނީ އެދުވަހުގެ ތަހުނިޔާ މުދައްރިސުންނަށް އަރިސްކޮށް އަދި އެބޭފުޅުންގެ ބުރަމަސައްކަތަށް ޝުކުރު އަދާކޮށްފައެވެ. އަދި މިފަދަ ދުވަހެއްގައި ޓީޗަރުންގެ އަގުވަޒަންކޮށް، ޓީޗަރުންގެ މަސައްކަތްތައް ފާހަގަކުރުމުގައި ބައިވެރިވުމަކީ ކައުންސިލަށް ލިބޭ އުފަލެއްކަމުގައި ފާހަގަކޮށްފައެވެ.

ޓީޗަރުންނާއި މުޚާތަބުކޮށް ސްކޫލުގެ ޕްރިންސިޕަލް ޢަބުދުﷲ އަޙްމަދު  ދެއްކިވާހަކަފުޅުގައި ޓީޗަރުންނަކީ ގައުމުގެ ޖީލު ބިނާ ކުރަމުން އަންނަ ފަރާތްތައް ކަމަށާއި، ދަރިވަރުން ދެކޭ ހުވަފެންތަކުން ކުރިއަށް ދިއުމަށް މަގުފަހިކޮށްދެނީ ޓީޗަރުން ކަމަށް ފާހަގަ ކުރިވިއެވެ.

މުދައްރިސުންގެ ދުވަހަކީ ކޮންމެ އަހަރަކު އޮކްޓޯބަރ 5 ވަނަ ދުވަހެވެ. މިދުވަސް ނިލަންދޫ ކައުންސިލާއި އެހެނިހެން މުއައްސަސާތަކުން ކޮންމެ އަހަރެއްގައިވެސް ކުލަގަދަ ގޮތެއްގައި ފާހަގަ ކެރެއެވެ.